Ənzəli porti kompleksiku 30 həzo ton əmtəə ixracat

Qilon ostani porton və dıyovonəti mudir votışe: ımsori əvvəliku tosə ısət təğribən 300 həzo ton ixracat, ım porti kompleksiku əncom bıə.

Huseyn Yosefi bəyonış karde ki Ənzəli porti kompleksədə 6 manqə ixracati rekord darıştə bıə, əv ijən votışe: ımsori əvvəliku tosə ısət 95 həzo ton əmtəə Ənzəli porti kompleksədə bo jəy və təy kardey əncom bıə ki ım miğdoriku təğribən 30 həzo ton ixracat, 580 ton varid bey və ijən təğribən 70 həzo ton tranzit be.

Əv ijən bəyonış karde ki ım porti kompleksiku ticorət vey de Rusiyə, Ğəzaxıston, Azərbaycan və Tırkməniston əncom beydə.