Nəhcul-Bəlağə pand iyən hikməton
Nəhcul-Bəlağə pand iyən hikməton
Əbdil kəlmə ça bandə iyən muti mənoədəy.ğasbu şımə dığğəti cəlb bıko ki,bızınən bə qıləy zəmini ki,çəy peyo ziyodə şey-omey bıbu və əy bə molə ro təbdil bıko,bəy həm ”əbd” votedən.çoko ki,veyə hərəkət bıə roon iyən caddəon ki,daşt iyən bandı-kuonədə bə heyvonaton iyən insonon dəvardey xoto bə əməl omeydə,
Xıdo-Rəsul Həzrəte Muhəmməd(s) həm de “Xıdo əbdi” unvoni be iyən roş boçəmə həmmə ruşin iyən həmoş karde.əmə ıştə qırd nımojonədə bə ə həzrəti risoləti şəhodəti bənav bəçəy”Əbd” bey şoydəti kardedəmon.ın şoydəti həyğətədə çəmə bə ə həzrəti bənə Xıdovəndi qıləy məxsus iyən vıjniyə bıə bandəçəti barzə məğami bıə irodət iyən məhəbbəti nışonəy.əmə qıləy zəmon ki,çe nımoji təşəhuddədə votedəmon:”Əşhədu ənnə Muhəmmədən əbduhu və rəsuluh”,bə çə həzrəti dıqlə muhim iyən barzə məğami işorə kardedəmon:bə ubudiyyəti iyən bə risoləti məğami. qıləy bandəçəti ki,bəsə risoləti məğamisə bənave.hiç qıləy inson bə pəyğombərəti məğami rəseydəni illah ki,ibtido iyən sıftədə bə ubudiyyəti məğami bırəso.
Xıdovənde-Xalığ Kərimə-Ğıronədə Zariyati mıborəkə surə 56-ə şərifə ayədə hamyedə:”Və ma xələğtu.....Əmə insonımon ğərəz ibodəti bo co qıləy çi nıofəyemone.bandəçəti bə mıtləğə kəmoli rəseyro iyən noğisətiku ozod beyro bıə qıləy roye.qıləy məsir iyən ro ki,de Xıdovəndi itoət iyən ğurbi pure.bəçəy xoto qıləy zəmon ki, volideyn,komandir və ya har co qıləy məğami əmə itoət kardedəmon,bəpe oğo iyən huşin bıbəmon ki,ın bə fərmoni itoət çe İlahi əmron mığobilədə ğərol nıqəto.çoko ki,Əhzabi mıborəkə surə 36-ə şərifə ayədə omə:”Vəma kanə limuninin...qıləy vaxt ki,Xıdo iyən çəy rəsul qıləy koyədə hukm bıko,coqlə merd iyən jen bo intixobiro qıləy məcol baği mandedəni və hakəs bə Xıdo iyən bəçəy rəsuli fərmoni itoət nıko,bə qıləy oşkoə zəloləti dıço bəbe”....
Qıləy rəvoyətədə omə ki,pəyğombəre əkrəm(s) qıləy ləşkərış rəvonə karde,vığandeşe və bo ın ləşkəri qıləy komandanış səçın karde.pəyğombəri(s) əmrış karde ki,bə çın fərmonədə sıxanon quş bıdənən iyən bəy tabe bıbənən.həmonə merd qıləy otəşış səne iyən bə ləşkəri fərdon voteşe:”bə otəşi dılə daxil bıbənən”.kali fərdon şəkkışon karde və bəziyon bə ğərol omin ki,bəçəy dılə varid bıbon.nəhoyətən bə qıləy cıvoni tevsiyə əsos,səbrışon karde tayinki,çe pəyğombəri(s) palu oqardin.Xıdo-Rəsuli(s) hamyeşe:”ehyanə şımə bə otəşi dılə daxil bıəbiyon, hiçvaxti çəyo xaric bey nıəzniyon.çıro ki,itoət fəğət çokə koyədə lozıme.qıləy vırədə ki,çe məxloği fərmon bə İlahi mə`siyəti səbəb beydə,əyo itoət lozım ni”.həmonə məzmuni çe Əmirəl-Muminin Həzrət İmom Əli(ə) kəlomədə həm əmə vindedəmon.qıləy co ki,bə hakimi zılmiku şikoyət kardə kəsi hamyeşe:”Əqər çəy fərmon de Xıdo əmri mıxolif bıbu,bəy itoət kardey lozım ni.zira-La taətə...:hiç qıləy itoət bə Xıdo əmri nıpemandey mığobilədə ğəbul nibəbe”.
