De Abanə manqi 13 minnə ruji mınosibəti, Doktor Yasır İslomdusti mesaj
De Abanə manqi 13 minnə ruj, şoqirdon iyən de beynəlxalğə istikbori mubarizə bardey ruji mınosibəti, Doktor Yasır İslomdusti mesajış vığande.
Im mesajədə omə:
Abanə manqi 13 minnə ruj, zılm, sultə və beynəlxalğə ğudrəton ziyodə tələbion vədə, İroni milləti muğaviməti ruje, həmonə ruj ki İslomi inğilobi təğvimədə de şoqirdə şəhidon xun iyən İroni milləti ozodi vanq umuj qıniye.
Imruj, İroni cıvonon izzət tələbəti və şucaət iyən aqahəti simvole ki istikbori vədə, de Aşura mədəniyət və mıhkəmə imoniku ilhom qətey muğavimət kardışone və bo həmişəro isor iyən muğaviməti ğeyd kardışone.
Abanə manqi 13minnə ruji şəhidon və həmmə ozodi royədə ğəhrəmonon yod və xotirə qiromi qətey əlovə, ım yolə ruji bə İroni səbarzə millət xususi Tolış, Rizvonşəhr və Masali şəhrıstonon şərifə millət ijən bə İroni həmmə əzizə şoqirdon və ayəndə soxtə kəson təbrik ərz kardedəm.