Dindori ıştə qəvış dutə

Noyabri 24-də, bənə siyosi məhbusi zınə bə Elman Şeydayevi 6 numrəninə Cəzokəşə zindonədə bə vəşyənəti aksiya bino karde barədə huğuğ mıdafiəkə Arzu Abdulla xəbəş doə

Pevolo kardə məlumotədə ğeyd bedə ki, Elman Şeydayevi bə 6 dindorə zənənon dastqirəti etiroz de ıştə qəvi dute bə vəşyənəti aksiya binoş kardə.Həmon zənən xeyləğon – 38 sininə Niqar Bağırova, 41 sininə Aytən İbrahimova, 44 sininə Şəhla Fərəcova, 50 sininə Xoşqədəm Quliyeva, 31 sininə Şərqiyyə Sadıqova və 52 sininə Arzu Huseynova avqusti 17-də Xəzər rayonədə ehsan baxş karde bədiqə dastqir kardə bən. Əvon de dini ayinon və mərasimon nomi aksiyon dəvone taxsiko zınə bedən. Noyabri 8-də de Xəzər Rayon Məhkəmə ğəror çəvon barədə doə dastqirəti tədbiri mıddət dıroz kardə be ro Şərqiyyə Huseynova, Şəhla Fərəcova, Nigar Bağırova, Aytən İbrahimova bə vəşyənəti aksiya binoşon kardə. Elman Şeydayev 2022-minə sori fevralədə de narkotik ittihomı qətə və deBoku Qonə Cinoyəton Məhkəmə doə hukmi 7 sor ozodətiku məhrum kardə bə.