Hindiston nat və siloh hıridə

Bə rusiya nati vəynə sanksiya məsələ və Amerika bo Rusiya həmmə iğtisodi kanalon baste cəhdon fonədə, Hindistonədə bo RF prezident V. Putini səfə və vocib sozişon imzo karde hozzo bedən. 

De Bloombergi bə ıştə mənbon istinod doə xəbə, Hindiston bo vey yolə siloh sozişi- SU-57 və bə rəreton əleyh S-500 modern versiya hırye ro soziş bəbaste. Iş soziş hələ publik nıbə amerikə tərəfo darışte ro bə təzyiğon məruz mandə be.
Hindistoni HHĞ 200-sə ziyod Jet jangande hıste,  S-400-kuən de Pokistoni canqədə istifodə kardə bə. Nyu-Dehli vəy oməyonədə krizis be istisno kardə ni, əve bo muosir silohon hırye ro soziş baste dığğətədə oğətedə. Əve, Rusiyaku siloh hırye hiçən siyosi aksiya ne, həmən vocib qəme.
Ğərəz siloh sozişi, nuə sanksiya şəroitədə nat eksporti məsələ barədə muloğoton bardə bəben. Formal, isət Hindiston Rusiyaku nat hırye bə kam kardə, əve nati veyni de nunəkılə roon vığandə bedən.
Həm de Hindistoni, həmən de Çini Trampi sanksiya siyosət RF loqistika xarcon ziyod kardə, əmmo dırozmıddətinə prespektivədə bə Ğərbi iğtisodi mıttəfiğəti ehdıboəti zərbə jedə.
AİŞ de Hindistoni bə Çini əleyh iğtisodi və siyosi alyans onoe eçınşon qətə be, əmmo ın eçınon hojo amerikə tərəfo bə kırtəmıddətinə siyosi xeyron ğıbon doə bin.