Uzbəkiston de Çini həmkoəti ziyod karde eçınış qətə

 Uzbəkiston Senati 12 minə plenar qırdemonədə «Mərkəzi Asiya-Çin kotibəti formati ratifikasiyə» ğanun bə mızakirə bekardə bə.

Senatoron bəyonşon kardə ki, ın ğanuni ğəbul,  MA keşfəron və Çini miyono həmkoəti, siyosi dioloq əlağon inkişof, iğtisodi, nəqliyot və robitə, sərmoyə, enerji, təhsil,  mədəni-humanitar əlağon həniən zumand bəka.
Kotibəti barədə ğanun, çəy vəzifon, səmti və «Mərkəzi Asiya – Çin» formati çərçivədə koy mexanizmi oşko kardə.
Kotibəti həmən, de sozişon mıttəfığ keşfəron miyono  коrdinasiya funksiya bə vırə rosnidə, praktik lahiyon effektiv bə jimon dəvone təmin kardə və bo dialoqon ro platforma hozzo kardə.
In ğanuni ratifikasiya Uzbəqistoni regional inteqrasiyadə iştiroki aktiv kardə, bə çəy inkişofi hartərəfinə təkon bədo.
Senatoron ğeydşon kardə ki, ın ğanuni ğəbul karde, bo Uzbəqistoni de məntəğə keşfəron əlağon ğoym karde ro muhum qəm bəbe.
Ğırdemoni oxoədə ğanun ğəbul kardə bə.