Qilan ostanədə ixtişaşqəron 26 qılə məçitışon otəş jə

Qilan ostanədə bə məçiton koon rəseyu bıə ğərorqo katibi votışe: dəvardə çan şəvi ixtişaşonədə ostanədə bə 26 qılə məçit və 3 qılə mosəlla hucum və be ehtıroməti bə.

Huccətul İslam vəlmuslimon Muhəmməd Muhəmmədiyan dəvardə çan şəvi mıddətədə de terroristiyə qrupon dasti bə Qilan ostani məçiton be ehtıroməti və əvoni suteku işorəş karde və votışe: ım usyançion ım çandə şəvədə bə 26 qılə məçit hucumışon bardə ki 11 qılə məçit 100 faiz miyono şə.

əv əlovəş karde ım məçiton umumən Rəşt,Rudbar və Lahican şəhronədə bən.

Huccətul İslom vəlmuslimon Muhəmməd Muhəmmədiyan votışe: ım qədə terroristiyə qurop ım çan şəvədə 2 qılə musəllaşon Rustəm abad və Rudbarədə otəşışon jə ki 100 faiz xəron bən və Lahicanədə bıə musəlla həm 60 faiz ziyanış vində,

Və əlovəş kardə ım be ehtıromə hərəkətədə kərimə ğıron, dəvoə kitobon, ziyarətnaməon ki məçiton və musəllaonədə bən sutə bən.