Şəhid Muhəmməd Mirzaiy yolqətey mərosimədə Ayətullah Rəməzoni nıtğon

Əmləşədə əmniyyəti mıdufiə şəhidi 3minnə ruji yolqətey mərosim bərpo bıə.

Im mərosimədə Xobreqane Rəhbəri məclisədə, Qiloni milləti nımoyəndə,Ayətullah Rəmezani votışe: İroni aqahə millət, Dey manqi 22 minnə rujədə deştə hərorətin və mıhkəmə iştiroki vositə, bə dınyo istikbori qəv ğoym və mıhkəmə mışt jəşone.

Bə Qiloni Tele Rədyo aqentəti raporti əsos, Xobreqane Rəhbəri məclisədə, Qiloni milləti nımoyəndə,Ayətullah Rəmezani, Əmləşi İmom Xomeyni(r)i musəllaədə şəhidə bəsici Muhəmməd Mirzai şəhodəti 3minnə rujədə votışe: Dey manqi 22 minnə rujədə İroni aqahə millət, deştə hərorətinə və mıhkəmə iştiroki, bə dınyo istikbor və sehyoni və Amerkə terroriston qəv mıhkəmə mışt jəşone.

Əv ijən bəyonış karde ki millət bəpe ıştə aqahəti əlovə bıkon, boçi ki deşmon həmişə xəbisə planon dumoədəy, əv ijən votışe: tosə zəmoni ki millət meydonədə bıbun, deşmonon xəbisə planon məhv bəbe.