De Qiloni kivi ixracati, təğribən 110 milyon dollar valyuta vardey

Tosə ısət ımsor, 73 həzo toniku vey kivi, Qiloni boğonku bə 30 qılə dınyo kişvəron ixrac bıə.

Bə Qiloni Tele-Rədiyo aqentəti raporti əsos, Qiloni ditəsərrufati təşkiloti sədr votışe: ımsornə pozə fəslədə 220 həzo ton kivi ostani boğonku çıniyə bıə ki tosə ısət 73 həzo toniku vey Qiloni istehsol bıə kivi de 110 milyon dollari erj ostaniku ixrac bıə.

Saleh Muhəmmədi de bəyon ım ki Qiloni ditəsərrufati ixracati məhsulon miyoniku, kivi veyə səhmi soybe ijən əlovəş karde: bə əncom bıə plan kəşəon və bərnoməon əsos  50 fayiz Qiloni istehsoli kivi ixrac bəbe.

Əv ijən əlovəş karde: Qiloni istehsol bıə kivi bə dınyo 30 qılə kişvər əcumlə Kaspi dıyo ətrofədə bıə kişvəron, Hindıston, İ Bıə Ərəbə Əmirəti, İrağ, Əfğanıston və Serbiya ixrac bıə.

Saleh Muhəmmədi ijən de işorə bə ım ki kivi qıləy vəlyuta vardə, ko icodəkə və bə mehvəri əsos bıə məhsule ijən votışe: Qilon de 8 həzo 350 kivi baxşədə boğdor iyən 8 həzo 571 hiktor kivi boğon soyb bey, kişvərədə iminnə kivi istehsoləkə ostan bə hisob omeydə.