Myanmadə opium istehsol ziyod bedə

Ərozi tosə 200 həzo kvadrat kilometr bə Myanma şimoli-şərğ, Tailandi və Laosi şimol və mərkəzış Ruak ru de Mekonq ru ibə  bandi kuhə reqion 1971 minə soriku de AİŞ devlət departamenti məmur Marşal Qrine tərəfo noə  "Təlayeə sekınc" nomi zınə bedə .

Dəvardə sorədə vey keşfəron de iğtisodi işqılon dim-bədim mandin, ğərəz ğtisodiyadi iqlə sahə.
2025 minə sori Təlayiə sekıncədə xaşxaş perosne oxonə 10 sorədə bəştə mакsimumi hədd rəsə. Xaşxaş istehsoli əsos mərkəzən  Myanma şərğədə  Şan ştat bə.
Imon həmmə Əfğanistonədə opium istehsoli bə jiy eqıniye holədə bedə. Navədə Əfğaniston heroiniku bə şıkrə bə vıjoron isət bə Myanma səmt dim qətedən.
Tarıxən Təlayeə sekıncədə narkotik istehsol de Myanmadə bə dılətonə iğtişoşon anqıl bə və hiçən sırr ni ki, bo silohinə dason narkotik həvateku omə maliyə çəvon canqi dəvom karde ro əsos mənbə bə. Çın səbəbiku iyo canqi bə orəx rəse umu karde əbıni.