Uzbəkistoniku tosə dıyo osonə ro

MA keşfəronədə Uzbəkistoni de Əfğanistoni və Pokistoni bə dıyo beşe pidəşe.

Uzbəkiston bo – Əfğaniston – Pokiston Transəfğan osonə ro texniki-iğtisodi əsos hozzo kardedə. 
Navədə ın keşfəron lohiyə bə jimon dəvonə eçıni ro soziş imzo kardəşon be.
Osonə ro dırozi 573 km bə ın xətt Uzbəkistoni Termeziku bə Əfğanistoni Мəzari-Şərif və Loqar, çəyoən bə  Pokiston bəbəşe. 
Osonə ro bə istifodə doe bədiqə sori tosə 20 mln ton şələ kırne bəzne ki, ımən həm loqistik xarcon, həmən bə ro sərf kardə fəxti bə kam bəkarde.
İntasi holiədə Əgğanistoni və Pokistoni miyonədə sardonəti be ro lohiyə keynə bə jimon dəvone bəlli ni.
 Ğərəz Transəfğan osonə ro kəşe eçıni,  Çin–Ğırğızston–Uzbəkiston osonə ro kəşe holiədə dəvom kardedə.