Pokiston İMT islahati tərəfdore 

Pokiston inən bə İMT beynəlxalq huğuğon ğoym və Əmniyətə Şuradə islahaton barde ro ovardə və xəbərdorətiş kardə ki, bə beynəlxalq sozişon vıjniyə qılon rioyət iyən paralel diplomatik təşəbbuson İMT qlobal  munağişon vədə zeyf bəkarde.

Yanvarə manqi 22-də Pokistoni İMT-də nımoyəndə Asim İftixar Əhməd "2026 sori beynəlxalq huğuğon şərh" qırdemonədə bəyonış kardə ki,  ehdədoriyon bə vırə nırosniye və beynəlxalq ğanunonku ğeyribərobər istifodə peş dıminə dınyo canqi bə peşt onoə kollektiv əmniyyətəti əsoson darıştedə.
De çəy sıxani, yolə keşfəron miyono noroziətiyon Əmniyətə Şura koy bə iflic hol eğandə. 
Pokistoni nımoyəndə ğeydış kardə ki, Hindistoni Hind ovonədə bə sozişon ğəroron əməl nıkarde bə beynəlxalq ğanunon bovə saru eğandə və reqonal stabiləti darıştedə.
Pokistoni intereson bə sə dəşənin, çumçoko Tramp İMT de ıştə jidasti bə onomoniş təğyir karde pidə. Pokiston çe Ğərb keşfəronku diəro mandəniye, əmmə hələ ki çəy de AİŞ və  Britaniya əlağon ğoymin.