Masali diyonədə vıjıni ğeydiyyoton
Masali şəhrədə İslomi di şuraon səçınonədə 557-sə ziyodə inson ğeydiyyotiku dəvardən.
Masali şəhrədə de İslomi di şuraon səçınon haftminə turi ğeydiyyoti mıddət bə oxo rəsey,557 nəfər bın vıjıni mısobiğəonədə iştirok kardero çe ğeydiyyotiku dəvardən.
Masali şəhri fərmondor muhəndis Səyid Ğısmətpur ın xəbə bəyon kardə holədə bəyonış kardə:Şəhri mərkəzi hissədə 37 diku bə İslomi şuraon 260 nəfər,Şanderməni rayonədə həm 42 diku 297 xonəxo bə İslomi şuraon çe ğeydiyyotiku dəvardən.
Əv,bın səçınədə deştə dıli xoşi iştirok kardə kəson bə dığğəti loyığə huzuri ğeyd kardə holədə əlovəş kardə:İxtiyori şəxson miyono bın turədə çın şəhriku 68 jeni iştirokış kardə ki,ım həm insonon bumiyə idorə kardeyədə və di inkişofədə bo rol ifo kardey meyl iyən iştiroki nışon doydə.
