Qeneral mayor Ğaani: de mığavimət cəhbə dave məkən
Bə Pars Tudey xəbəron əsosi islomiyə inğilobi Sepahe pasdaran Ğuds ğıvvə fərmondə votışe: Amerkə-sionistiyə deşmen har vırədə ki de mığavimət daveş karde çəyru abru nımande.
Bə İRNA nəğli əsosi Pars Tudey xəbəş doə islomiyə inğilobi Sepah Pasdaran Ğuds ğıvvə fərmondə qeneral mayor İsmail Ğaani zinə şanqo de ironi TV xəbər kanali təşkil doə votımonədə votışe: ımruj Amerkə ve çok zındəy və sionist rejim hətta amerkəsə çok dərəsə ə cəriyan ki həmməysə saxtə şərayetədə çəvon vədə mande və mubarizəş barde və meydono xaric nıbı həminə mığaviməte.Əv əlovəş karde ım devrə ıştən ım həğiğəti subut əkə be.Tofanuləğsa tosə ımrujnə təcrubə nıbə təziğon nışonış do həmməysə veyə ziyanonışon rosni və Fələstin iyən əzizə livanədə həmməysə dəhşətinə cinayətonışon əncom do əmmo şımə mığavimətı cəriyanonku ilə qrup həm mışohidə kardə nin ki meydono xaric bıbo və ım mığavimət və tov varde ve şiddətinə holətədə deşmenonış torsıniyə.
