Viloyəti: Bə macəraon dərhol cəvob doey bəbe

Pars Tudey-İslomi İnğılobi Lideri mışoviri təkidış kardə:Əmə çımi bənav xəbərdorəti kardəmon be ki, "Reqiyon bo hırdə kişfəron siyosi ğomari vırə ni" və çandə dəfə subut kardəmone ki,bə macəraon dərhol cəvob doey bəbe.

Pars Tudey bə İroni Tele-Rədyo Korporasiya istinodən doə məlumoti əsos,Əli Əkbər Viloyəti kiberməkonədə ıştə şəxsi səyfədə nıvıştəşe:Əmə çımi bənav xəbərdorəti kardəmon be ki,"Reqiyon bo hırdə kişfəron siyosi ğomari vırə ni " və çandə dəfə subut kardəmone ki,bə macəraon dərhol cəvob doey bəbe.Lakin,de bədnom və ğoldorə Epsteyni dosye uzvə siyosətçi nuyə ziddiyyət ofəye və çandə dəfə təfahumi memorandumi ləğvi şifohi şikilədə etırof kardey məsuliyyət,reqiyoni ijən həm bə otəşi səmt bəbarde. Viloyəti təkidış kardə:"Mığoviməti məhvər çe rısvoyçəti və macəro vədə tam nibəjəne və de şəhidə lideri xuni tələbi məntəğə təmiz kardero dast çe triqqeri peyoe."