Avropa şantaj
Bın rujonədə Almaniya İğtisodiyot Vəzir Каtеrina Rаyxe bəyonış kardə ki, Avropa Şura çe Tırkiyəku vəyoməy sozişonədə rusiya ğaziku inkor tələb bəkarde.
Тırkiyə bə hıryə ğazi həcmi ro çe «Ğazprom»i dıminə yolə mıştəriye və bastə sozişon mıddət bə orəx rase ro bo nuə sozişon baste ro mulağaton bardedə.Тırkiyə tərəf bın bəyonati reaksiya doəşe və holiədə rusiya ğazi əvəz karde mumkun nıbe ğeyd kardəşe.Тırkiyə çe rusiyaku ğazi bə erjon hırye bo Aİ məntəğədə xab roli bardə, intasi amerika maye ğazi hırye eçınış qətə. Imən veyşaxəninə soyosəti nətice ki, həmmə varianton ji dasti oğətedə.Тırkiyə devlət BOTAŞ kompaniyə de amerika — Mercuria 2026-minə soriku bə 20 sor 70 mld kubmetr maye ğaz və Woodside kompaniyon dırozmıddətinə sozişonış bastə. De Reuters doə məlumoti, bo 2028 sоri oxo Тırkiyə ıştə ğaz təloboti nimə de ıştə və AİŞ ğaz importi dəbabaste. Aİ çın koy maliyə təcıli bıko, bəvədə Tırkiyə çe rusaya ğaziku şıkrəti bə kam bəkarde.Aİ bo təziyiği co ro nişone, həmən tırkiyə bəzne karde avropa eksperton ğazi çe kovrəku se omute ro bə həndəvər vanıdon. Тicori təziyiğon hədərə nəticə doeyən bəznen: çiçən bıbo Тırkiyə bo Aİ həm iğtisodi, həmən qeosiyosi nəzəku vey vocibe.Din ğaydə Aİ məmuron ıştəni bevəcə holədə oğətedən, de bərkə vanqi tələb kardedən, intasi ın tələbon bə vırə rosniyə imkononku məhrumin və ımoni Tırkiyə tərəfən çok dərəsedə.
