Bo ihtimoliyə canqi İroni bərnomə çiçe?
İroni Milli Əmniyət Ali Şura sırkatib Muhsen Rızayi voteydə Trampi hisob kitob səhv be və Vaşinqtoni təhdidon bo Amerkə heç qıləy nəticəş nibəbe.
Əv təkidış karde ki, ısət Amerkə ərteşi zəyifəti noğtəon çok zınedəmon və bo qıləy ğətyiyə canqi huzzımon.
Bın holədə Tehroni strateqiya kilidiyə baxş 2 qılə variyanti oj haşteye: mızokirə iyən mıdofiyə vey kardey.
Bə raporton əsos, İron bo canqi oxo doeyo ıştə şərayetış Ğətəri royku bə Vaşinqton vığandəşe.
Bəizəmon Tehron çı Amerkə təyorə şıkrnə hərbiyə kəşti nezi bə anti kəşti tojə rəketon imtıvon kardey xəbəş elon kardə.
Təhlil əkəyon ın hərəkətışon inev “hisob kitob bıə canqi vey kardey” vəsfışon kardə ki, mızokirəonədə de İroni təzyiği əbzaron vey kardey hədəfi mızokirəonədə əncum bedə.İyən Rızayi votışe ki, canqi ijən bino beyədə Hind Okiyani har noxtədə bıə Amerkə kəşion hədəf ğəror bəqəten.
Bə çəy votey əsos İron ıştə Hypersonic rəketon surətış 6 maxiku bə 10 max vey kardəşe.
Iyən Tehron mıvəfəğ bıə ıştə elektıronik canqi sistemi inkişof bıdə və ıştə aviya mıdofiyə inkişof bıdə.Bə nəzə rəsedə İroni bərnomə 2curnə əmmo oşkoe: mızokirə imkon heste, əmmo bo canq kardey həm hozzıe.
