Yekaterinburği tolışon Rujə manqədə

Çe İslam dini fəzilətinə vaxtonədə qıley Rəməzonə manqe. Rusiyadə çe Az.R -ku xeyli muhaciron jimon kardedən ki, çəvon arədə xeyli tolışonən hestin. Sverdlovsk vilayəti və çey mərkəz Yekaterinburğ şəhəri tolışon dini və siyasi sahədə həmişə fəal bıən. De çəvon iştiraki iyo "Çahardəh mənsum" nomədə dini təşkilat fəaliyyət nişon dodə. De çəvon təşəbbusi şəhərədə məçit inşa kardedən. De təşkilati 172 nəfər uzvi maliyyə dastəqi sayədə ım dini mərkəzi inşa dəvom kardedə.

Dini icma uzvon de diqər islami vacibə əməlon bahəm rujə qəteyən boştə vey vacib zınedən. Dini fəal Əhliiman Qənciyev 25 sorisən veye ki, Yekaterinburğədə jidə. Əslən çe Masalu şəhrıstani Sığdaşt diykue. Kəxıvande. 3 qılə fərzənd hestışe. Çey ailə 5 nəfər uzvon həmə rujə qətedən. Əv ıştən cımmə rujon məcitədə de axund Emin Qənciyevi pişnamazi çumə nomojədə iştirak kardedə, bə çey xutbon quş dodə. "Çahardəh mənsum" təşkilati bənə Əhlimani diğər fəalonışən veye. Əvonən bə i co həmə dini mərasim və ayinonədə iştirak kardedən. Çe vətəniku diəro qıley məmləkətədə ıştə dini mənəviyyati barz qətedən və ey hifz kardedən. Həmən əsas əve ki, Rusiyadə ğeyri-leqal mevcud bıə vəhabiə təşkilaton bə çəmə tolışon arə nufuz karde imkan dodənin.