Masalu şəhristani ğazi seydiəti təsdığ kardə vəsiğə doəşe

Ğəfğaz Mısılmonon İdarə bə Masalu, Cəlilabad və Biləsıvo şəhristanon Mirğiyas Təhməzov nomədə qıley ğazi təyin kardəşe. Im həmonə odəme ki, çe Şeyx Sərdar Hacıhəsənli məhkəmədə bə çey əleyh bıhtonə ifadə doəşe. Məhkəmədə həmən votəşe ki, hokuməti ğanunon bo eyo çe xıdo ğanunisən muhumme.

Bı rujonədə de ım ğazi əməli əlağədar Respublika Mass-mediadə qley mərəşulə eqınie. Məlum bıə ki, ey bə Lankon şəhristani Sutəmırdov diy sakini seyidəti təsdiğ kardə vəsiğə doəşe. İnternet sayton həmonə vəsiğə şəkilonən pevolo kardəşone.

Təhməzovi de ım koy əlağədar bə "Unikal.az" sayti parsi cəvobədə ıştə ım səhv əməl bə qiy qətəşe, votəşe ki, "həmonə odəmi mıku xahiş kardışe, az çey seydiəti təsdiğ bıkom. Azən bə 4 nəfər şohidi ifadə əsasən bə çey seydiəti həxədə vəsiğə mıhir jeme. Vey yolə səhv kardəme. Bə ıştə ım əməli pəşimonim".

"Nuraz.com" saytiən de Hacı Tale Bağırzadə fərzəndi Əbulfəzlabbas nomi noe ğədəğən karde əlağədar Təbriz, Urmiya, Zəncan və Ərdəbili i qrup imam Huseyn (ə) aşiğon bəyonat dərc kardəşe. Əvon bı bəyonatədə bə Hacı Taleh və bə çey xeyzoni mənəviyyati ıştə rəğbəti ifadə kardəşone. Hokuməti islamə həmrayəti sorədə bə imon əhli jıqo ğeyri -insani munasibət hiylə və bə Azərbaycani xalqi layığ nıbə hərəkət zınəşone.