Az.R cənubiyə məntəğonədə kali muəllimon koyku bekarde

Az.R cənubiyə məntəğonədə kali muəllimon koyku bekarde

Bə Tolışi rədyo raporti əsos Azərbaycan Respublikə perosniyə mərkəzi vəzorətxonə diplomiku bəpeə sənədi nıbe xoto kali Cəlil Abad Tolış və şiyə məntəğə muəlimonku koyku bekardışe.

Cəlil Abadi diyonədə qılə məktəbi muəllim Aybəniz Əmirova məktəbon muəllimon ixrac be barədə bə Tolışi rədiyo votışe :hal hazerdə məntəğədə 80 nəfər muəllimonku icorədə mandedən və ısət həmə əvonışon koku bekardəşone.

Əv əlovəş ka əqər həmə ko həmkaron bə məhkəmə şikoyət bıkəmon və məhkəmə bə çəmə ko dəvom doe hıkmi bıdo iyən dekabrə mənqədə koyku ixrac bəbemon. əmə ıştə təhsilatımon Cəlil Abad həşi təşkiloti elmon Akademiyədə bə oxomon rosniyə. qıləy holədə ki, dıvlət  lisans sənədiku bəpeə dərəcə nıbe xoto bə muəllimon dodə ni. ın məntəğə miyonə məktəb 8sor ki, fəaliyət kardə və ha sor 30 nəfər ıştə təsili bə oxo rosnedə ki, de ın voteyon 200 nəfərisə ve muəlimonku bekon.

Əmirova əlovəş ka az tabə ısət vəzorətxonə həmə imtıvonon və təlimiyə iclosonədə iştrakım kardə və çəy məlumati səth mıəyən bəy əmo təlim və perosni mərkəz voteydə imtıvoni həmə nəticon ləğv bəy.

Muəllimon koyku bekardey bə peştə de təlim və perosniye elmon komitə rəis vindemonşon ka ki əv votışe ın mevzu bəhs bardənine və bəzne məxsusə məzətonış bıbo. əv iyən votışon ki iqılə tələb in məsələ barədə bə təlim və perosniyə vəzorətxonə doəmone əmo ın vəzorətxonə ın mevzu barədə heç reaksiyəş bə ni.

Fariz Rezayev təlim və perosniye ğərorığo  rəis çand manq çimiku bə nav 1000 nəfər muəlimi təhsil sənədış ğəbul və rəsmi zıniyəş bı.

Azərbaycani dıvləti ın hərəkət Tolışi məzhəbi və fərhənqi  asimilasiyə cəhəto və in məntəğonədə azəri zıvonə muəllimon vırə noe xoto əncom bedə.