Pars Today

Şiiə yolə alimon

Ayətullah Şeyx Fəzlullah Nuri veymuhimmə hərəkətonku qıləyni Məşrutə İnğılobi himoyə kardey be.əv be ki,Axund Xorasani iyən Nəcəfi sayir alimon bo Məşrutə İnğılobi təşviğ kardedəbe və çın İnğılobi səbarzəti zəminəş hozzı karde.

Macəra jıqo be ki,Tehroni millət iyən alimon bo bə kişvəri mevcud bıə ın aşuftə iyən bəyənde qıniyə vəzyəti etıroz kardeyro Reyşəhrədə çı həzrəte Əbdul-Əzimi hərmədə etıozinə aksiyəşon dəvordıne və camiyədə ədoləti bərpo kardey tələbış karde.ım etorozinə mitinqon bə sayir şəhron həm siroyətış karde və ım vəzyət bə kişvəri qırd vıron rəse.əmmo bə zəmon sədrı əzəm ya iminə vəzir bıə Eynuddevlə hozzı nıbe çı milləti tələbon ğəbulko və de ın etırozon de şiddəti qıləy rəftorış karde….

Qıləy zəmon ki,bə ğərbi aşığ bıə ruşinəfikon bın etırozonədə de milləti bə ico bin və ədolət tələbəti tələbışon bə məşrutə tələbəti təbdil kardeşone.Şeyx ki,çok-çoki çın dıqlə tələbonku aqah be,bə ın nuyə hərəkəti de şəkki çəşi nəzə kardedəbe.demiyən deəy qıləy mıxolifətış karde və de milləti bə ico bıeyku dastış nıkəşe və qıləy zəmon ki,Məşrutə bə səbarzəti rəse və Şura Məclis bo Əsosə Ğanuni nıvıştey məmur bin.çunki,çı Məclisi nımoyəndəon əksəriyyət bin ki,çəvon veyni həm fromasonon loja uzvon bin,Konstutsiyə iyən Əsosə Ğanuni nıvışteyədə bə İslomi hukmon iyən ğanunon qıləy dığğətışon nıkarde.co tərəfiku həm Şeyx Fəzlullah Nuri və sayir alimon bo İroni bə İslomi usuli rioyət kardey iyən bə Şiyə məzhəbi bə rəsmiyyət zıney tələbışon karde.alimon bo ğanunon islohiro qıləy loyihə bə məclis bardeşone.əmmo çı Məclisi əksər fromoseneron həmonə loyihəşon rədd və ğəbul nıkardeşone.bilaxirin çı Nəcəfi alimon iyən de Şeyx Fəzlullah Nuri təğib kardey vositə loyihə Əsosə Ğanuni əlovə ğanun bə ratifikasiyə rəse.bın əlovədə çı kişfəri rəsmiyə din İslom və >iy’ m’zh’b elon kardey be və bo Şiyə alimon bə ğanuni nəzorət kardey həx bə rəsmiyyət zıney be……