Rəhbəriyyəti nəzə

Rəhbəriyyəti nəzə

De peyğombəri(s) azizə kinə həzrət Fatməye-Zəhro(s) vilodəti nez bıey mınosibəti çe İroni kişfəri banuonku idastə de İslomi inğılobi yolə rəhbər həzrət ayətullah Xameneyi vindemon kardeşone.bın didoədə İslomi inğılobi yolə rəhbər çe İslomi banu əzəmətiku sıxan voteşone və çın banu əzəməti ğərəz Xıdo Rəsuli(s) iyən Əhli-Beyti(ə) de cokəson mığoyisə kardey ğeyri-mumkinətiku bəhsışon karde.həzrət ayətullah Xameneyi de bə qıləy hədisi işorə kardə holədə ki,şiyə iyən sınni kitobonədə nəğlb ki,”innəllahə ləyəğzəbu liğəzəbi Fatimə və yərza lirizaha”-hamyəşone bo Fatməye-Zəhro(s) xoto Xıdovənd ğeyzin beydə və bo Fatməye-Zəhro(s) roziyəti və xoşnudi xoto Mıtəolə Xıdo həm xoşnud beydə.çımi mənoş ıme ki,har qıləy inson və har qıləy mısılmon ehyanə bıpyişe Xıdo xoşnud bıko,bəpe qıləy ko bıko ki,Fatməye-Zəhro(s) həm rozi və xoşnud bıbu.çə buzurquvari tevsiyyəon və çə buzurquvarə banu dərson,qətə cəhəton iyən hisson,ehyanə bəvon rioyət kardey bıbu,Mıtəolə Xıdo həm rozi və xoşnud bəbe.çımonsə əlovə həyğətən bo qıləy insoni çımisə kom barzə fəziləti fərz kardey bəbe?ısət çe jen bıbu ya merd?............

Yolə Rəhbəri hamyeşone:”bəçımı nəzə əsos mısılmonə jen çe Fatməye-Zəhroku(s) əlovə co qıləy vey çokə qıləy ulqu pəydu kardey nibəzıne.bəlkəm dınyoədə hiç qıləy jen çəysə co qıləy vey çokə qıləy ulqu pəydu kardey nibəzıne.çə həzrəti hırdənəti devron,nevcıvonəti,cıvonəti zəmon.çə həzrəti xıyzonədə bıə rol,deştə buzurquvarə pı,jimoni həmro,fərzəndon və de xıdmətkori kəy daxilədə bıə rəftor,həmçinin iştimoyi və siyosəti ərsəonədə və xilofəti məsələdə,ımon həmmə ulqun.muhim ıme ki,qırd ın əzəməton,fəoliyyəton,ulquon,qıləy kuto iyən kırtə umrədə bə əməl omə.maksimum 25 sorədə.ın ulquye.çəmə azizə İslomi camiyə əzizə kinon, jenon, banuon səy bıkon ki,de həmonə rufiyyə və hejo de həmonə ənqizə iyən motivi çe həzrəte Fatməye-Zəhro(s) peştono hərəkət bıkon.xıyzoni koonədə,iştimoyi iyən siyosi məsələonədə,hikmət iyən elmi fəoliyyətonədə ki,həlbəttə ım buzurquvarə banu həxədə İlahi ilhom be,əmmo çəmə və şımə barədə ım kəsb kardənine.şımə ki,səy bıkon,həlbəttə İlahi ilhom bome koməq bəkarde.ıştə jimoni həmmə baxşonədə ə buzurquvarə xanımi ulqu ğərol bıdənən və ğərol bıdəmon iyən çə həzrəti dumo bışəmon”…..

Ayətullah Xameneyi ıştə sıxanon idomədə bə jeni məsələ işorə kardedən və hamyedən ki,jenonə hoviyyət və şəxsiyyət erjon, həxon,təklif iyən məsuliyyəton,çe jeni ozodətiyon və məhdudiyyəton,çın mevzuonku har qıləyni vey muhim iyən təyinəkəy. bə ə həzrəti votey əsos ımruj de bə dınyo qıləy kulliyə nəzə həmmə bın zəminədonədə dıqlə nəzə iyən cəhət qətey mevcude. qıləyni ğərbədə rəvoc pəydu kardə nəzə ki,ğərəz ğərbi həm har qıləy kişfərədə rayice və coqləyni həm islomi nəzə və vindemone.ın dıqlə cərəyon iyande mığobilədə mandən və çəvon har qıləyni bə məsələon cəvobədə qıləy nəzəşon heste və qırd bın zəminəonədə bəhs kardey bəbe və cəvobon rəsy bəbeş.mıntəho qıləy muhimmə nuans və nuktə mevcude:

Və əv ıme ki,ğərbi sivil iyən mədəni sistem bın məsələdə bo mıbohisə kardero hozzı ni və bə bəhs iyən təhğıği məsələ daxil beyku fərol kardedən.ğərbi sivil iyən mədəni sistem bın zəminəonədə ziyodə sıvolon ...məsələ de skandali və de hay-huy iyən de hınə,kino,dezzu,kiberməkon və bənə bımi bıə məsələon ıştə koon bənav bardedən.çəy səbəb həm ıme ki,çe ğərbi hiç qıləy məntığış ni.ın rəftor rujbəruj vey bevəc və yavə şikilədəy ki,ımruj çe jeni məsələon zəminədə ğərbədə rəvocış pəydu kardə və bə ğərbi nəzə əsos dınyo co ziyodə məmləkətonədə,əvon bə hiç qıləy məntıği peştıpur nin.əve bə bəhsi daxil beydənin….

Ayətullah Xameneyi de çandə qılə sıvoliku bəhs kardey çe ğərbi de jenon camiyə bıə nəzə tənğıd kardə holədə bəy işorə kardedən.min cumlə bəhs kardedən ki,çıro ğərbi muhitədə rujbəruj çe jeni bəştə jenonə personaj iyən ıştə hurməti oqətey məsələ bıə bedığğətəti ziyod beydə?.boçi avropə iyən amerkə rəsmi məclisonədə jen hətto de nimə oləton bə tan kardey iştirok kardey zıneydə?əmmo merd de komilə oləton,de qalstuki ya de tıvostonə qalstuki jıey,iştirok kardedən və ehyanə həmonə merdon de kırtə şavlo boon bə həmonə məclis bə ədəb-ərkoni əks iyən xilofi əməl kardedə?.