Amerkə, çı Sıə dıyoədə noəmni vey muhimm və əsliyə amil

Asiya ğərbədə muğavimət və mıstəğilə qrupon sıə dıyo və məntğədə de Amerkə-israili mehvəri bə mubarizə dəvom dodən. ım qıləy şəroyetədəy ki Amerkə və sıpiyə kə mıttəfiğon deştə hərbi mıdoxiləon dəvomi məntəğədə bənə vey muhimm və əsliyə noəmni amil əvəz bıən.

Ələğsa Tufan əməliyoti bino bey bəpeşt, muğaviməti ğıvvon de hevujəti, məntəğədə sioniston canq icod kardey iyən çəvon vey muhimmə himoyədoron vədə muğavimət kardışone ki ım şəroyetədə Yəməni ərtış həm Ğəzzə millət və Fələstini muğavimət qruponku himoyə kardey cəhəto bə canq varid bıən iyən ım kişvəri dıyo ğıvvə bə işğol bıə sərzəminon səmt, kəştion hərəkəti vəy qəteydə və Amerkə həmləon vədə həm reaksiya nışo dodə.

Dəvardə haftəon mıddətədə Yəməni ərtış Ğəzzədə Fələstini milləti muğavimətiku himoyə kardeyədə sıə dıyo və Babolməndəbədə çand qılə bə işğol bıə sərzəminon səmti  hərəkət kardə sionist kəştion hədəf ğəror doşone.

Eyni holədə Yəməni ərtışi ğıvvon təkid kardışone ki Ədən və sıə dıyoədə kəştivonəti co qılə kəştionro ozode və əvon komilə əmniyyətədən.

Dəvardə haftəonədə Amerkə bə Britaniya çand kərə bə Yəmən  həmlə kardeşon be, ım həmləon çımiku bəpeşt əncom bıə ki dəvardə haftəon mıddətədə Yəməni ərtış Fələstini millətiku himoyə kardeyədə varid bıə.

Feveralə manqi 5 minnə rujədə, Yəməni milli nicoti devləti xarıci vəzorətxonə de qıləy bəyoniyə muntəşir kardey təkidış kardə: sıə dıyoədə kəştivonəti əmniyyət komilə əmniyyətədə, ğərorış qətə əmmo karde zınəmon ki Yəməni təcavuzon vədə sukut bıkəmon və ım ko karde nibəzne Ğəzzə və Fələstiniku himoyə kardeyədə bə ım kişvəri nəzəon təsir bınə.

Yəməni xarıci vəziri muavin Huseyn Əlezi  həm Sıə dıyo məsələ barədə Ərəbistoni ciqəmandə nəzəonku ğədrdonətiş kardə iyən votışe: ehanə məntəğədə canq icod bıbu, bə ım məenoe ki məntəğədə Amerkə nufuz və zu sə bəbe.

Məntəğədə tojə siyosi təhəvvulaton de Fələst6ini muğavimət İslomi devləton həmcəhət bey iyən de Amerkə tələbon və hədəfon bə ico nıbey nışonəy. məntəğə devləton əcumlə Ərəbiston və sıpiyə səray İ Bıə Avropa devləton,de Amerkə nəzədəqətə bıə dıyo koalisiya həmkoəti kardey hozzo nıbin ta bənə Amerkə Ğəzzədə sionist rejimi cinoyətonədə ıştəni şərik nıko.

Məntəğə mıstəğilə devləton və muğavimətə qrupon zumandəti dəvom və məntəğə və Sıə dıyoədə Amerkə canqtələbətion oqəteyro,  Yəməni silohinə ğıvvon vey uhimmə tələbe.