Pars Today

İslomi İnğilobi Yolə Rəhbər, Həzrəte Ayətullah Xamenei Hicri Şəmsi 1403 minnə sori Fərvərdinə manqi 1 minnə ruji nıtğədə ıştə beynəəlxalğə cəhəton nıtğədə bə Ğəzzə və Fələstini məsələ işorəş kardə iyən Fələstini məsələ, dınyo iminnə məsəl zınəşe iyən hamyəşe: Ğəzzə hodisəon nışoş do ki dınyo məsələn Ğərbi sivilizasiya de bəşər həxon iddion bə Ğəzzə millət çoknə zılm kardedən.

İslomi İnğilobi Yolə Rəhbər çand cəhətiku bə Fələstini məsələ işorəş kardə, iminnə cəhət ğərbi insoni həxon iddion tənğid kardey be,Ğəzzə tanqədə iyən de sionist rejimi vositə, təğribən 32 həzo nəfər şəhid bıən. Ğəzzədə jimoni məhv bıə, hətto kali ğərbi rəsmi şəxson həm ım tanqədə, insoni bevəcə vəziyəti barədə ıştə niqəronətion nışo doşone.

İslomi İnğilobi Yolə Rəhbər ım barədə hamyəşe: ım ğərbi dınyo, ım məsələn mədəni və bə sivilizasiya əsos bıə dınyo ki bəşər həxon iddioş heste, nışo doşone ki çe zılm və cinoyəti bə  çəvon fikon iyən əməl hakim heste, təğribən 32 həzo nəfər ğətli-am bıən, hırdən, nocıvon, cıvon, piyə odəmon, merd, jen və hətto noxəşə odəmon ğətliam kardışone. kırtə mıddətədə 32 həzo nəfər şəhid bıən, çəvon kəon xərobə bıən çəvon kişvəri strukturon məhv bıən, mədəni dınyo fəğət diyə kardedə, və ım koon vəy qəteydə ni, hətto bə əvon komək kardedə.

Əmmo dıminnə cəhət  ıme ki Asiya ğərb məntəğədə bə muğaviməti cəhbə rostiyəti iyən bə həx əsos bey təkid bıə. ım həx bey xususi bə ım xotoe ki sionist rejimi cinoyəti vədə, muğaviməti cəhbə sukut kardedə ni. qıləy holədə ki məsələn ğərbi bə sivilizasiya əsos bıə dınyo, sioniston cinoyəton şərik bıən.

Bə İslomi İnğilobi Yolə Rəhbəri təbiri əsos, Ğəzzə canq,muğaviməti həğiğiyə sima nışoş do, məntəğədə muğaviməti ğudrət, Amerkə və çəy mıttəfiğon hisob-kitobon məhv kardəş iyən çəvon hisob-kitobon no səhih bey subitış kardə.

Əmmo bə İslomi İnğilobi Yolə Rəhbəri nəzə əsos, Ğəzzə canqi məsələ barədə, 3minnə muhimmə məsələ, sionist rejimi be zoəti iyən behronon subit kardey be. Ğəzzə canq itərəfiku sionist rejimi daxıli behronon əcumlə, mulləti hevujə norizoyəti, siyosi şiddətinə daveon nışoş do. eyne holədə subitış kardə ki Ğəzzə sionist rejimiro bənə zımrix iyən batlağ be, ki ım vəziyətiku xarıc ney əzı ni.

İslomi İnğilobi Yolə rəjbər həminə məsələ barədə hamyəşe: Ğəzzə sionist rejimi varid bey, çəyro batlağ icoış kardə, ımruj ehanə, sionist rejim Ğəzzəku xarıc bıbu, məğlub bıə, xarıc həm məbu həni məğlub bıə, sionist rejimi vəziyət jıqoe, ım 2curnə ğərolon ki sionist rejim qəteydə və sərqicə iyən təşvişi ki bəy dıço bıə, bois bıə ki sionist rejimi daxılədə və çəy rəsmi şəxson miyono nığılə daveon iyən ixtilofon icod bıbu ki bə ım ixtilofon xoto, karde zınəşon məbu çokə ğərol bıqəton, ımruj sionist rejim karde zınəş ni ki ğrol bıqəto.

Əmmo Əmmo bə İslomi İnğilobi Yolə Rəhbəri nəzə əsos, Ğəzzə canqi məsələ barədə, 4minnə və oxonə muhimmə məsələ ım be ki Ğəzzə canq Amerkəku dınyo nifrəti nışoş do. Həzrəte Ayətullah Xamenei həminə barədə hamyəşe: Amerkə, Ğəzzə məntəğədə vey bevəcə vəziyəti vıjnişe. həmonə ko əncomış do ki həmmə dınyoədə mənfor bıə. ım həmmə millət ki London, Paris iyən Avropa və hətto Amerkədə b Fələstini milləti himoyə kardey xoto, mitinq bərpo kardedən, həğiğətədə ım millət  Amerkəku ıştə nifrəti elon kardedən, Amerkə dınyoədə mənfor bıə, məntəğədə mənfor bıə və 10 bərobəriku vey həm mənfor bıə.