Xarıci siyosətədə de deşmoni rabitədə Həzrəte Ayətullah Xameneyi mutərəğğiyə nəzə
De Həzrəte Ayətullah Xamenei 14 minnə devləti heyəti iminnə vindemonədə, Həzrəte Ayətullah Xamenei sıxanon de deşmoni rabitədə mutərəğiyə nəzə nışonə be.
Zinə Şəhrivərə manqi 6 minnə rujədə və bə devləti haftə mınosibət ijən nuyə devləti ko kardey bino bey xoto, İron İslom Respublika 14minnə devlət de Məsud Pezişkiyani rəyosəti de Həzrəte Ayətullah Xamenei ıştə iminnə vindemoni əncom doşone.
Im vindemonədə Həzrəte Ayətullah Xamenei 14minnə devlətiku kali ıştə intizoron və tələbon bəyon kardışone.ım tələbonku qıləyni 14minnə devləti xarıci siyosəti baxşədə de deşmoni barədə be. ə Həzrət həminə məsələ barədə əlovəş kardə: bə deşmon umumon məbe. bo çəmə bərnoməonro deşmoni muvafiğəti intizorədə məbomon. ım bə ım məno ni ki qıləy vırədə de həmonə deşmon rabitəmon məbu.
İslomi İnğilobi Yolə Rəhbəri ım sıxanədə 3 qılə nuktə heste, iminnə nuktə ıme ki bə deşmon umumon məbu, ım nəzə, xarıci siyosətədə qıləy bə həğiğəti əsos bıə nəzəye ki xarıci siyosət bə etemod əsos ni boçi ki har qılə kişvər bəştə mənafe dumoədəy və deşmon həm nə ım ki ıştə mənafe təmin kardey dumoədəy bəlkəm ıştə deşmoni mənafe bə vırə rəseyro həm mane icod kardedə. dəvardə 45 sori mıddətədə çand kərə subit bıə ki deşmonon nə fəğət de İroni İslomi Respublika ıştə deşmənçiyəti kam kardəşon ni bəlkəm hətto deşmonçiyəti əlovə kardeyədə həm qəm peqətəşone. bə İroni İslomi Respublika ələyh zalımonə sanksiyaon ki tosə Ukrayna canqi bənav, tole torixi mıddətədə bə qıləy kişvəri ələyh veyə sanksiya bə hisob omeydə be, bə İroni inkişofi ələyh deşmonon mane icod kardey və xəbisə planonku qıləy oşkoə sənəde.
İslomi İnğilobi Yolə Rəhbəri sıxanon 2minnə nuktə bə ım mevzu təkid kardedə ki bo çəmə bərnoməonro deşmoni muvafiğəti intizorədə məbəmon. İnğilobi Yolə Rəhbəri ım təkid həm i tərəfiku bə ğərol omeyədə İroni İslomi Respublika mıstəğilə bey zərurət işorəş heste və co tərəfiku bə kişvəri daxıli mənbəon diğğət kardey nəzəş heste.İroni İslomi Respublika, 7 fayiziku vey dınyo məədəni mənbəon soybe. İnğilobi Yolə Rəhbər, islomi inğilobi 2minnə qəmi bəyoniyədə bəyonış kardə: jığo vote bıdə ki İron insoni və təbii istifodə nıbıə zərfiyəton cəhəto, dınyoədə iminnə vırə soybe.Ə Həzrət ijən təsdiğış kardə: vey muhimmə nuktə ki bəpe vəomə soxtə kəson bəy diğğət bıkon ıme ki qıləy kişvərədə jimon kardedən ki təbii və insoni zərfiyəton cəhəto, mislış nıbıə kişvəre və vey ım zərfiyəton tosə ısət, de rəsmi şəxson və ım baxşədə ko kardə kəsoni ğəflət, be istifodə ya kam istifodə mande.
Əmmo əzizə duston, İslomi İnğilobi Yolə Rəhbəri sıxanon 3 minnə nuktə ım be ki ım məsələ ziddiyətış ni ki de həmonə deşmon qıləy vırədə rabitəmon bıbu.həğiğətədə İslomi İnğilobi Yolə Rəhbər deşmoni kin-kudorəti barədə bə devlət çəşnaviş dodə iyən bə ım mevzu təkidış heste ki de deşmoni rabitə icod kardey roy dəbastə ni. həğiğətədə zəmoni ki deşmon de mıtəğabilə ehtıromi muzakirə mizədə iştirok kardedə de həminə deşmon rabitə icod kardey karde bəznımon və ım məsələ de deşmoni rabitədə İslomi İnğilobi Yolə Rəhbəri mıtərəğğiyə nəzə nışo dodə.