Əqər israyil ısət bə Hizbullah hucum bıko çiç bəbe?!

Bə israyili medyaon vote əsos, Hizbullah 200 qıləsə veyə rəketış ıştə ixtiyorədə hestışe ki, çəy nimə veyni nuxtə bıjənə rəketin ki, çəvon xəto çandə metriku vey ni.

İroni medya fəal Məhdi Cəhantiği qıləy tivitədə nıvıştışe:

Livanədə vetranon ruji mərosimədə Seyd Həsən Nəsrullah: əqər dışmen bə çəmə ələyh ıştə təhdidon icro bıko 200 həzo qədə şəhr nıştə kəson əvəzi 2 milyon nəfər seonist avarə bəben və əqər dışmen bəştə təhdidon əməl bıko, bəpe bızıno ki, çandə sa həzo nəfər ki, şimoliyə məntəğonışon tərk kardə ijən onibəqarden.

Bə israyili medyaon vote əsos, Hizbullah 200 qıləsə vey rəketış ıştə ixtiyorədə hestışe ki, çəy nimə veni noğtə bıjənə rəketin ki, çəvon xəto çandə metriku vey ni.

Hizbullah Katyuşa və Qrad rəketış de 40 kilometri məsofə, Fəcr 3 rəketış de 45 kilometisə vey iyən Fəcr 5 de 75 kilometrisə veye.

İyən Hizbullah Rə`d 2 və Rə`d 3 de 70 kilometr məsofə, Xeybər 1 de 100 kilometrisə veyə məsofə, Zilzal 1 və 2 de 160 və 210 kilometr məsofə, Fateh 110 nomo rəket ki, qıləy balestik rəket de 300 kilometr məsofəye və canq kılo de 500 kiloqrəmi kırnə ıştə ixtiyorədə hestışe.

Əmmo rəketoni ki, həmməysə vey israyilıjon niqəron kardə, Skad nomo rəketonin ki, çəy oxonə qılə ya nosxə 700 kilometrisə vey məsofəş heste və bəzne işğal bıə Fələstini daxili həssos və muhimmə hədəfon hədəf ğəror bıdə. Çimisə əlovə Hizbullah bə tanki zidd çandə qılə rəket sistemış heste ki bəzne israyili hərbiyə ğıvvon zirehinə briqada iflic bıko.

Həminə barədə Mığoviməti medyaon çimi bənav bə Sarəllah tanki zidd rəket sistemiku şikilon nəşrışon karde.

In sistem bə zereh zidd qıləy siloh sisteme ki Kurnet rəketon ğandeyo nəzədə qətə bəy.

In sistem dı qılə ğandə çi təşkil bəy və hədəfon miyono bardey və dəğiğə surətədə bə hədəf qıniye və ruj iyən şəvədə istifodə kardey ğabeliyətış heste və xəyli rohət bəbe əy vırəbə vırə karde.