Virtual aləmi zərəlon

Virtual aləmi zərəlon

Hırdənon iyən nevcvonon veyni ki,ıştə səşon deştə mobil telefon ya notbuki tasbonəşone,ıştə vaxton deştə xıyzoni uzvon dəvodıney iyən deəvon sıxan kardey ziyodə meylışon ni.ın mevzu boyis beydə ki,hırdənon iyən nevcvononku bıə ın dastə deştə duston iyən oşnoon bıə irtibot və rabitə həm vey kame.binobərin de cokəson irtibot bərpo nıkardey iyən bo de cokəson qıləy lozımi iyən kifoyət ğədərədə bıə qəp jemoni ğudrəti nıbey,çe virtual aləmi bo hırdənon iyən nevcıvonon bıə ziyononku co qıləyniye ki,bəçəvon məhorəton zərbə daxil kardedə….

Dəvardə bərnoməonədə virtual aləmədə bənə bloqqer ya selebritiyon ya məşhuron bıə bəzi fərdon həyoti cozibəon işorə kardemone.cozibəon iyən qlamurinə jimonon ki,əksər vaxtonədə real ni, əmmo hırdənon iyən nevcıvonon de əvoni vindey,bino kardedən ıştə jimoni səpki de həmonə məşhurə şəxson jimoni mığoyisə kardey.harçand ın nev mığoyisə nodırıste iyən ğeyri-reale, əmmo bə sinnədə bıə hırdənon ”ıştəni ğəbul nıkardey” nomo qıləy problem səbəb beydə.

Iştimoyi məhorətonku coqləyni ıme ki,fərd ıştən deştə qırd xısləton iyən jimoni səpki ki,hesteşe ğəbul bıko iyən ıştə jimoni de cokəson mığoyisə nıkardə holədə ləzzət bıbon və boştə səviyyə barz kardero cəhd bıko.əmmo virtual aləmədə çe selebritiyon dəbdəbəynə jimoni səpkiku nəşət seyə səhfə mığoyisə,səbəb beydə ki,hırdənon iyən nevcvonon ıştəni iyən ıştə jimoni ğəbul nıkon.

”Iştəni ğəbul nıkardey” bənə çe virtual aləmiku nəşət seyə ziyonon unvoni bo ın qrup sinnədə bıə kəson,bənə depresiyə və sayirə ziyodə muşkiloton bə əməl vardedə….

Məələsəf virtual aləmədə bə veyə əxloği nuktəon rioyət kardey beydəni.bə həmonə dəlil xoto, bənə bə cokəson ehtırom nınoey bıə əxloği nuktəon,erjon iyən sosyal norməon dığğət nıkardey,çe hırdənon iyən nevcvonon nəzəku be əhəmiyyət cilvə pəydo kardedə.nəticədə ın vıron çəvon tərəfiku rioyət kardey beydəni iyən bəvon nisbətədə betafut beydən.

In nuktə zikr kardey vocib iyən zəruriye ki,hırdənon iyən nevcvonon ıştə zehnonədə virtual aləmədə bənə bloqqer və sayirə bıə aktivə fərdon,cozibədorə fərdon iyən hətto qahi zəmon bənə ğəhrəmoni təsəvvır kardedən.bə həmonə dəlil xoto,çəvon rəftoron təğlid ya imitasiyə kardedən və səy kardedən ki,ıştəni bənə həmonə məşhurə çehrəon təşbih bıkon ki,ın məsələ həm bənə bəştə əxloği çokə xısləton rioyət nıkardey,de ın sinnədə bıə dastə bə ico beydə….