Amerkə torıxədə nifrət iyən irğçəti
Amerkə torıxədə nifrət iyən irğçəti
KKK ə`zon sıftənə soronədə hoziyətiku bo siyoəpuston torsıneyro bıə avjori unvoni oko doydəbin.sıpiyə msakon,bənə kəfəni bıə dırozə oləton iyən de şuləvərə səlibon simvolik mərosimon bə siyoəpuston camiyə dılə tars iyən dəhşəti eğandedəbin.əvon har qıləy şəv ki,qıləy terror iyən ğətli planışon hestebe,ibtido və sıftədə qıləy məxsusə ayin iyən ritual bərpo kardedəbin.həmonə mərosimədə əvon çəy bılındiş bə si metrə rəsə qıləy çu qırdo həlğəvari surətədə qırd beydəbin və bəçəy mıncır beyd şoyd beydəbin de iyande bə ico məzhəbi surud iyən nəğmə handedəbin və bə siyoəpuston soyəx şeydəbin.har qıləy şəv ki,amerkə mərdum bə jıqo qıləy mərosimi təmşo iyən diyə kardeydəbin,çəy maşkinə ruji millət çe ovə cuyon,pardon jintono iyən çe şəhri diyəroə vıronədə bə çandə qılə siyoəpustə odəmon cəsədon şoyd beydəbin.
KKK qrup de əyoni formədə məclison iyən paradon bərpo kardey,çe sıpiyə irği iyən pokə irği barzəti ideoloqiyə təblığ kardedəbin.əvon jıqo hisob kardedəbin ki,amerkə bəpe bə sıpiyəpuston məxsus bıbo və əvon çe afro-amerkəvıjon,miqranton iyən sayir marqinal bıə camiyə həxon zəyif kardey dumon.əve əvon bə siyoəpuston camiyə məhdud kardey fəoliyyəti dəvom doydəbin.
Binobərin yəhudiyon,katolikon iyən mıhociron həm bəçəvon nifrətamizə hədəfon məruz mandedəbin.
KKK qrup ıştə həyoti dırozi AİŞ-ədə çandə qılə etap və mərhələonku dəvardən.KKK dastə ımruj həm məələsəf ijən həm amerkə camiyədə mevcudin iyən harçand çəvon ədəd de şiddəti bəkam bıə və bə bəzi statistikəon əsos çəvon uzvon rəğəm çe penc iyən həşt həzo nəfəri miyono bə hisob omeydə,əmmo ijən həm bənə pərokəndə iyən lokal formədə çe amerkə camiyədə ısət çe Nyu-Cersiku qətə de tobə Los-Ancelosi fəoliyyət nışon doydən.həmonə bın çandə sor bənav be ki,çın qrupi hamiyon milodi 2017-ə sori avqustə manqədə de qeneral Robert li heykəli peqətey mıxolifətışon karde və qıləy dıjdə demonstrasiyəşon bə ro dəğande və çın dastə uzvonku qıləyni həm de şələ maşini bə siyoəpuston səmt hərəkətış karde və qıləy siyoəpustə jenış kışte.qeneral Robert li ki,çe amerkə daxili canqon zəmonədə çe Şimoli Virciniyə Konfederasiyə fərmondor iyən çe nokəti baği mandey tərəfdor be.həyğət ıme ki,ın dastə ıştə jimoni dırozi hejo çe amerkə məğamot iyən rəsmiyon tərəfiku de şiddəti himoyə kardey bıə.amerkə devlət ki,həmməvoy və hiç qıləy istisno nıbə holədə çəvon siyosət bə irğşiyəti əsos bıə dayima bə siyoəpuston zidd qıləy təhğıarmiz və nifrəti siyosət bıə.əve çın cinoyətkorə fırğə nonzəminə əsrədə təşkil bey torıxiku de tobə ısət əvon nəyinki,əvon hozzı bıənin ıştə irğçiyə hərəkəton iyən nokəçəti bəyji kardey fikiku bımandon,bəlkəm hətto kali vıronədə KKK qrupi əsosə uzvon bə devləti muhimmə poston həm rəsən.
