Ğərbiyə medyaon kom çiyon “ozodəti” zıneydən?
Pars Tudey- X sosyal şəbəkə İronıjə istifodəçi qıləy tivitədə Suriyə hodisəonədə bə ğərbiyə medyaon roli işorə kardey, ozodəti məfhumi vədə çəvon 2curə siyosətiku tənğidış karde.
X sosyal şəbəkə İronıjə istifodəçi “İlham Abidini” Suriyə Dəməşğədə do və otəşiku de qıləy şikili nəşr kardey, X sosyal şəbəkədə nıvıştışe: lm vırə Dəməşğe və israyil Suriyə bombardımon kardey holədəy. Bə Pars Tusey rapori əsos, Abedini əlovəş karde ki, ın hucumon qıləy holədəy ki, seonist rejim “otəşvəsi” bıeyədə bə Livani cənub diyon hucum kardey dəvom doydə və Ğəzzə həm beəmon hədəf ğərorış qətəy.
Dəvomədə “Abidini” əlovəş karde ki, ın həmonə çiye ki, ğərbiyə medyaon əy “ozodəti” zıneydən!
Votənine, Suriyə hodisəon dəvomədə və de terroriston və silohinə mıxolifə ğıvvon vositə, seonist rejimi 1minə vəzir “Benyamin Netanyahu” 1şanbə ruji Colan məntəğədə 1974 minə sori seonist rejimi və Suriyə “bə vəzifə rosniye” sazışi miyono şeyış elon karde və əmrış doeki, İşğal bıə Colanədə dı tərəfi miyono bıə məntəğə bəpe çe ın rejimi nəzorəti jiyo bıbo.
Bə ın hərəkəti dumo, medya mənbəon de seonist rejimi hərbiyə ğıvvon vositə Suriyə əraziku məntəğəoni işğal kardeyku xəbəşon doə və bə Suriyə Ğənitərə ostan seonist işğalqərə rejimi hərbiyə ğıvvon nıfuziku şikilon nəşrışon karde. Kali medyaon raportışon doəki, seoniston 14 kilometr bə Suriyə ərazi nıfuzışon kardə.
