Ironi barzətiyon

Ironi barzətiyon

Bərnomə de Səlman Hərati təğdımoti bino kardedəmon.Əv,ironi şimolədə bıə diyonku qıləyniyədə bə dınyo omə.Hərati qıləy fik-fam kardə iyən əndişə soyb bıə şayir be və çe zohirədə sodə iyən addi bıə təbiyi hodisəonku bo bə mıxotəbi aqahəti iyən nəzə doeyro istifodə kardedə. bəçəy jimonimuhiti dəlili xoto təbyət çəy şeyronədə xəyli iyən çəşəçiye.əy,bəpe əmə çe sodəti, reçinəti iyən təbyəti şayir bızınəmon:

Dınyo,təsvir bıə Ğırone və çəy ayəon bəvədə çe nıştey əvəzi bəsə poysən.do qıləy məfhume.dıyo qıləy məfhume,cənqəl,zəmin iyən avə,həşi,ovşım iyən beməy,de aşığə çəşon booy ta dınyo tilovətkəmon.

Hərati de bənə “bə həşi kə qıləy bə” və ”havzə osmon”  nomo məcmuə iyən kolleksiyəon intişor iyən nəşr kardey,ıştə nomış çe İroni İslomi İnğılobi ədəbiyyoti cərəyonsoxtə şayiron miyono ğeyd kardeyış zıne…

İnğılobi co qılə şayironku qıləyni ənıvışt,epik iyən irfoni şeyron nıvıştə şayir Həmid Səbzevariye. çəy çordə sorış hestebe ki,şeyr voteyış bino karde.Səbzevari bə çandə həzo İnğılobi şeyron və məxsusən bə Mığəddəsə Mıdofiyə ayid şeyron votey dəlili xoto,İronədə de “İnğılobi şeyri dədə” ləğəbi məşhure.çəy şeyronışon çe İnğılobi çəy zəmonədə şəhodətnomə zınəşone.çun İnğılobi bəpeştə kamə hodisəon çəy şeyronədə inikas bıəni.çəyku baği mandə əsəronku min cumlə bə qıləy İnğılobi şeyr bıə”Ozodi vanq” şeyre ki,əmə ısət de çəyuku qıləy kamə hissə votey çəy xotırə aziz qəteydəmon:

Dışmen bəpe bızıəno əmə bə cuş omə ləpəonimon.çe bəhr ya dıyoku bə əməl oməmon,çe tufoni fərzəndimon.İslomi sənqərədə ıştə coniku dəvardedəmon.bazu bə bazu,səf bə səf,əmə çe canqi osonimon.sənqər bə sənqər,deştə coni bo canqiro jozzımon.

Çəy şeyri kəlməon sodə iyən sofə formədə be və de qıləy addi iyən umum mərdumi pəsənd kardə şivədə şeyr votedə:….

Avesta qıləy mıborizə ədib iyən şayir zıney bəbe ki,ıştə şeyriku bə pəhləvi hukuməti ələyh siyosi royədə istifodə kardedəbe.bə İmom Xomeyni(r) cəlaye-vətən bey reaksiyədə qıləy 56 beytinə şeyrış vote və nıvışteşe:”Ha İmom ha,Tınım de zılmkor iyən ğeyri-milli istilo devrononku har qıləy devrədə de zolımkoron mıborizə kardə holədə vindeme.ıştı sərquzəşt iyən ğəhrəmonəti çe tohidi de şırki bıə beəmonə canqbe”.həmonə bın nıvıştədə Avesta i sori mıddətədə məmnuul-ğələm ya nıvışteyku ğədəğən kardey be.ın ğələmış zumand bıə şayir Həşi 1370-ə və Milodi 1991-ə sori de dıli infarkti noxəşəti dınyoku şe….

Rəhquzər Məhtab mərhumə xanım Tahirə Səfarzodə şeyri məcmuə iyən kolleksiyə təcrubə iminə nome.əy ıştə iminə şeyrış 13 sinnədəş vote.Deltada rezonans, pencminə səfə,de oğoəti beyət,kəcə merdon iyən de sıbi dido min cumlə çe xanım Tahirə Səfarzodə nıvıştə əsəronkuye.de zəmoni dəvardey çe xanım Tahirə Səfarzodə şeyronədə ıştəni oşko nışon doə çi,çe şayiri innovatikəti, xəlloğiyyət iyən kreyativəti iyən dinamikətiye ta əv,bəştə dıli piyə formə bırəso ki,çe co hiç qıləy şayiriku təsirış peqətəni.de İslomi umməti həmdardəti iyən həmrayəti çəy şeyronədə vindey bəbe…