Bo Suriyə zindonon pesoxtə şikilonku istifodə kardeyo sosyal isftifodəçiyon reaksiya
-
Bə Vyetnami canqi muzey ayid bıə şikil ki dəvardə rujonədə virtual aləmədə bənə Suriyə Saydnaya zindon pevelo bıə.
Pars Tudey – sosyal şəbəkə istifodəçiyon Suriyə zindoniyon barədə bə pesoxtə şikilon nəşr kardey reaksiyaşon nışon do.
Suriyə devləti suğuti bəpeştə və bə ın kişvəri zindonon dılə kali Suriyəvıjə şəhrvandon və jurnaliston daxil bıeyədə şoyiə vey be.
Bə Pars Tudey raporti əsos və de həyğəti pəydoəkə mərkəzon nəğli istınod,xəyli ın pesoxtə şikilon və təsviron miyono suni intellekt bə “Bəşar Əsədi” devlət məxsus bəy.
X sosyal şəbəkə istifodəçi “Nasir Xakbaz” qıləy Suriəvıjə zindoni ozod bıeyku de qılə pesoxtə video ifşo kardey nıvıştışe: ın zəmonədə ki, ha kəs zıneydə de suni intellektiku istifodə kardeyədə şoyiə icod bıkə, nibəbe bə kəsi etımod karde. Məxsusən behroniyə şərayitədə.
“X” sosyal şəbəkə co qılə istifodəçi “Seyid Əli Musəvi” həm nıvıştışe: Suriyədə Seyd-Naya zindoni həğiğiyə şikilon nəşr bəy əmmo kalion de pesoxtə şikilon nəşr kardey bə layk və veyə diğğət doey dumon.
Co qılə istifodəçi de Hameh nomi həm de qıləy pesoxtə video noey nıvıştışe: merdi ki, medyaon və virtual aləmədə Suriyə Seyd-Naya zindoniku ıştə ozodəti videoş nəşr kardə bı ki, vey vindey be Tik-Toki təsiriku be.
İşid ozod be Suriyə zindononku əfsonə soxtey de kom hədəfi əncom bedə?
Bə X istifodəçiyon nəzəon nəzə kardey: Suriyədə israyili rol və Amerkə siloh soxtə kəson veyə bəhrəon.
