Amerkə “Nyu-York Taymz” rujnomə məğolə
Amerkə “Nyu-York Taymz” rujnomə məğolə
Amerkə “Nyu-York Taymz” rujnomə nıvıştəşe ki,çe Ukraynə ixtisod ısət effektivə dəvomətiro bə xarici koməkon ğəbul kardey vobastəy iyən çəyku bə şıkrəy.demi həm tramp iyən bə amerkə konqresi təsəllutışon pəydo kardə respublikəçiyon,ğeyri-mumkine ki,navnə səviyyədə bıə hərbi iyən moliyyə koməqon ki,çe amerkə ısət prezdentəti mıddətış bə oxo rəsə holədə bıə prezdent co baydeni zəmonədə bə ukraynə doey beydəbe,əto kardey bıbu.çe trampi prezdentəti dıminə devrə milodi omə sori yəni 2025-ə sori yanvarə manqi 20-ə rujiku bino bəbe.tramp ıştə təbliğot-təşviğot kampaniyə zəmonədə iddiyoş kardəbe ki,rəyrə ıştə prezdentəti zəmonədə çe ukraynə canqi bə oxo bərosne.tramp 8 dekabr toriıxədə de “NBS” kanali interviyuədə votəşe ki,ukraynə “ehtımolən” bəpe ıştəni bo ibıə ştaton bəvon kamə koməq rosney xoto hozzı bıko.ukraynə prezdent volodimir zelenski həm çandə kərə etırofış kardə ki,ehtımolən ibıə ştaton ijən bə hakimiyyət omə donald trampi prezdentəti bədiqə bə kiyevi devləti doə dastəqi bəbırne və ya ciddiyə şikilədə bəkam bəkarde.
Amerkə iyən kanada unverstetonku çandə qıləyni bo Fələstıni himoyə kardə tələbəon etırozon etosneyro israyiliku bə şıkrə bıə şirkəton mığoviləşon imzo kardə.qıləy hisobot ki,şambə ruji de sehyonist rejimi rujnomə bıə yədiut aharnati təvəssıti mıntəşir be,ifşoş kardə ki,amerkə iyən kanada unverstetonku çandə qıləyni de sehyonist rejimi əmniyyəti şirkəton bə Fələstıni tərəfdorə tələbəon ki,çe unversteton əraziyədə etırozinə aksiyəon bərpo kardedən,bəçəvon etırozon ələyh repressivə hərəkəton əncom doeyro mığoviləon bastə.ın hisoboti bə yodışon dənoə ki,trampi ijən prezdent səçın kardey bədiqə ki,təəhhudış karde ali məktəbon mıssəisəon əvoni bənə “Həmasi hamiyon iyən radikalon” zınə kəson nəzorət nıkardey xoto bəvon cəzo bıdo,çe har dıqlə kişfəri ali məktəbon Fələstıni himoyə kardə unverstetei tələbəon etırozon etosneyro ısət bə de sehyonist rejimi əmniyyəti şirkəton ya fərdon səmt dimışon qətə.Nyu-Yorki ali məktəb ki,dəvardə sori çe etırozəkəyon əsliyə mərkəz be,oxonə rujonədə de Strateji Sekuriti əmniyyəti şirkəti 4 milyon dollarinə mığoviləş imzoş karde.ın şirkət bə Nyu-Yorki şəhri sabiğ polis zabiti ayide ki,işğal bıə əraziyonədə təlimış vində.los-ancelos şəhrədə həm çın şəhri unverstet de qıləy şirkəti 1 milyon dollarinə mığoviləş imzo kardə ki,çe tələbon hoziyə hərəkəton kontrol bıko.
Konqresi məğam və rəsmiyon iyən çe ibıə ştaton mıdofiyə sektorədə bıə eksperton bə çın kişfəri silohi ehtiyoton bə tənəzzuli səmt şeyə zərfiyyəti nisbətədə çəşnaviş doə və elonışon kardə ki, amerkə de çini bıə ehtımoliyə canqədə de surəti məğlub bəbe.əvon xəbərdorətişon doə ki,çe ibıə ştaton mıdofiyə sənaye bo de çini bıə ehtımoliyə canqi niyoz bıə rəketon iyən sayir silohon təmin kardeyədə qıləy potensiyalış mevcud ni və çəy nəticə jıqo canqədə əvon dəbəboxteyn.pentaqon həm çinış çe amerkə navədə bıə həmməysə təciliyə problemış hisob kardə.bəsə tayvanisə,həmən bəsə hind iyən sakit okeyani məntəğonsə de çini bıə canqi ehtımoli dığğət kardə holədə,mıdofiyə sahədə bıə ekspert iyən uzvon de pekini bıə canqi navi qətey hədəfi bo amerkə mıdofiyə sektori sənibəton oney və təmiriro təcili hərəkəton əncom doeyışon tələb kardə.
Sıpiyə Kə milli əmniyyət mışovir ceyk sallivan həm dekabri 4-ə ruji analoji norohətçətiş ibroz kardə və votəşbe ki,de bə ısətnə ehtiyoton dığğət kardə holədə de çini bıə ehtımoliyə canqi zəmonədə çe amerkə sursot iyən muhimmoton vey rə bə oxo bərəse.əv ki,ın sıxanonış çe amerkə ”stratejik iyən beynəlxalğə mıtoliyəon mərkəz” nomo ali mıəssisədə izhorış karde,əlovəş karde: Xıdo nıko əmə de çini bə har tərəfinə canqi daxil bıbəmon.əmmo de bənə çini kişfəri ki,qıləy ləşkərış heste,harcurnə canq vey rə bəçəmə hərbi sursoton ehtiyoton orəxey boyis bəbe.
Xususi analitikon ıştə hisobotədə bə çin xalğ respublikə komitə eksperton elonış karde ki,çe ibıə ştaton mıdofiyə sənaye zərfiyyəti mişkiloton tosə qıləy həddi bə nodırıstə istehsoli prioritet iyən dıroz mıddətinə bedığğətətikuş nəşət seyə.anduril nomo siloh sənaye şirkəti barzə səviyyəynə uzv bıə Kristiyan Brus bın zəminədə votedə ki,amerkə iyən mıttəfiğə hərbi ğudrəton çandə da sorone ki,de boho ğıymətinə silohon istehsoli qıləy saxt,kınd iyən veyə xarcış bıə məsir və royədə hərəkətışon kardə.
