İron və Rusiyə həmkoətiyon vey kardey roədə tojə qəm

İxtisodi mıxtəlif mevzuonədə məxsusən enerji və nəğliyot baxşədə İron və Rusiyə ticoriyə mıbodiləon vey bəben.

İroni İslomiyə Respublikə nati vəzir “ Muhsin Paknejad” Moskvadə İron və rusiyə ixtisodiyə həmkoəti mıştərəkə kamisiya 18 minə iclosədə bo dı qılə kişvəri ticori, ixtisodiyə rabitəon səviyə bəpe bardeyo mevcud bıə zərfiyətonku maksimal istifodə kardey əhəmiyəti işorə kardey umudəvo mande ki, de İroni və Orusə tərəfon həmkoəti və cəhdon və mevcud bıə problemon və strukturi maneon miyono bardey, dı qılə kişvəri miyono ixtisodiyə rabitəon səviyə bəpe bışo.

İroni İslomiyə Respublikə nati vəzir iyən dəvardə manqonədə bə Rusiyə və İroni prezdenton tərəfiku stratejikə iştıroki mığovilə imzo kardey və bə çəy təsdiği işorə kardey ın sənədış dı tərəfə rabitəon bəpe bardeyo bə stratejik və dıroz mıddətə rabitəon tojə səviyə barədə muhimmə qəmış zıne.

İron və Rusiyə cəhd kardən ki, dı qılə kişvəri miyono ticoriyə rabitəon vey bıkən və təğribən ısətnə 5 milyard dollarəiku vey bıkən və bə 10 milyard dollar bəpe bıbən. Dı qılə kişvəri veyə mənbəon məxsusən enerji və coğrafi nəzəku nez bıey itərəfo və bə Rusiyə iyə İroni ələyh ğərbiyə kişvəron noə siyosi və ixtisodiyə sanksiyaon və ğərbiyə kişvəron təzyiğon co tərəfo, boyis bıə dı qılə kişvər bə ixtisodiyə həmkoətiyon vey kardey dığğət bıdən.

In cəhətədə İron və Rusiyə ixtisodiyə heyəton ixtisodi mıştərəkə 18 minə kamisiyadə ki, çandə ruj çimi bə nav moskvadə bərpo be, cəhdışon karde ta həmkoəti zərfiyəton məxsusən enerji, molli, di təsərrufati mıxtəlif baxşon barədə təhğiğ bıkən və ın cəhətədə tojə sazışon imzo bıkən.

İroni nati vəzir votışe: əncom bıə sazışon dı qılə kişvəri miyono dıroz mıddətə həmkoəti çərçivədəşon kəşəy və nati vəzorətxonə de ciddiyət ın sazışi əməli surətədə əncom doeyo əy təğib bəkarde.

Enerji baxş, Rusiyə və İroni miyono həmkoəti vey kardeyo muhimmə baxşonkuye. In dı qılə kişvər ki, dınyo qaz və nati yolə istehsol kardə kəsonkon, və sanksiya şərayetiədə ğərorışon heste cəhd kardən ta reqiyonal həmkoəti ğəlibədə enerji ixracatiyə proyektonədə həmkoəti kardey, İron və qaz iyən nat məydononədə mıştərəkə sərmoyəon noey,inkişofinə texnikon ovıştıniye cəhətədə ıştə koon 1minə dərəcədə ğəror bıdən.nat və qazi bəpeyə səviyədə həmkoəti vey karde və de Qazprom şirkəti mığovlə dəbaste dəvomi qətey, İronədə qazi habi icod kardey, qazi ticorət, nat məhsulon  nat kimiya erji zəncirədə, mevzuonin ki, ha dı qılə kişvər çəy vey kardeyo meylışon heste.

Bə enerji baxşisə əlovə, İron və Moskva nəğliyot baxşədə, cənub-şimol koridori proyekti ki, İroni bə Rusiyə və çəyku bə Avropə iyən Hindıston dəçkoneydə həm dı iyən çandə cəhətinə həmkoəti kardey ğabiliyətış heste. De Rusiyə moliyə himoyəon İronədə yolə roon və porti iyən reylsiyə infrastrukturi inkişof doey, ın stratejikə proyekti bə nəticə rosniye cəhətədə muhimmə qəm bəbe.

Co qılə mevzu ki, dı qılə kişvəri nəzədəy, dı qılə kişvəri milliyə valyutaku istifodə kardeye və dı qılə kişvəri mığoviləonədə dollari bə kəno noeye. In hərəkət ki, Amerkə və çəy şərikon moliyə sanksiyaon mıborizə bardey cəhətədə barzə qəm bə hisob omeydə, ğərore dı qılə kişvəri ixtisodiyə həmkoətionədə məxsusə surətədə bəy dığğət bıbo.

İron və Rusiyə siyosi nəzəku de ğərbi 1 ğutbi bıey nəzmi mıxolifəti təkidışon heste. Briks və Şanqhay həmkoəti təşkilotədə İroni uzv bıey, de Rusiyə siyosiyə himoyəon əncom be. İyən Beynəl-Xəlğ və reqiyonal məsələonədə dı qılə kişvəri həm cəhət bıey bo tojə dınyo nəzmi şikıl doeyədə ciddiyə roli ifo kardeyo Moskva və Tehroni ciddiyə irodə nışonəye.

Isətnə şərayetədə bə nəzə rəseydə qıləy surətədə ki, tarif bıə proykton səhihə surətə əncom bıbon, Rusiyə və ironi həmkoətiyon bəzne və stabilə şərikəti mərhələ daxil bıbo. Texnoloqiya ovıştıne, mıştərəkə surətədə sərmoyə noey, reqiyonal vıjoronədə həmkoəti kardey, mıştərəkə stratejiyə mıvəfəğiyyəton kilide. Co tərəfo ixtisod və siyosətiku bəpe, fərhənqiyə həmkoətion həm bə inkişofi tərəf şeydə. Fərhənqiyə nımoiyşqohon bərpo kardey, tələb mıbodilə kardey, iyən turizm baxşədə bo dı qılə milləti deiyandı çok zıniyeyo şərayetış icod kardə ki, ın səviyədə rabitə qətey dıroz mıddətədə bəzne bə rabitəon stabiləti komək bıkə.

Məcmuədə, mıştərəkə kamisiya  18 minə iclos xəyli çok nışon doydə ki, İron və Rusiyə həmkoəti kardey həmkoəti və inkişofi roədə ğərorış heste və de dı qılə kişvəri idorəçəti kardey və iştıroki omə perspektivonış heste ki, əlbəttə de problem nibəbe. Bın holədə dı qılə kişvər bə ıştə irodə təkidışon heste. Rusiyə enerji vəzir “Serqey Tsiliyev” votışe: milodi cariyə sorədə bə İron və Rusiyə miyono bəpeyə səviyədə həmkoətiyə mığovilə imzo bıey şoyd bimon ki, çəy hədəf mıxtəlif cəhətonədə dı tərəfə rabitəon səviyyə bəpe bardey be. In stratejikə sənəd Tehron və Moskva rabitəonədə tojə ufuğonış oj kardə və dı qılə kişvəri ticorət mərkəzon və xuxusiyə baxşi miyono həmkoəti kardeyo tojə roonış icod kardə.