Livani cənubədə Əlaləmi mıxbir şəhid bıə
Pars Tudey- Bə Linani cənub səmti sionist rejimi həvo həmləon cərəyonədə Suriyədə Əlaləmi xəbəiyə kanali nakonə mıxbir bə şəhodəti məğom rəsə.
Bə Pars Tudey raporti əsos ki Ələaləmiku nəğlış karde, Livani mənbəon elon kardışone ki Suriyədə Əlaləmi televeziya kanali nakonə mıxbir iyən Suriyə şahrvand, Hesam Zeydan, Livani cənubədə bə Sida nomo şəhri sionist rejimi həvo həmlə cərəyonədə şəhid bıə.Şəhid Hesam Zeydan Milodi 2009 minnə soriku tosə Bəşşar Əsədi devləti suğuti zəmon, Suriyədə bənə Əlaləmi televeziya offisi mıxbir de ko kardey məşğul be.Livani cənubədə bə Sida şəhri sionist rejimi həmlə dumoədə şəhid Hesam Zeydani zoə həm zəxmin bıə və noxəşxonədəy.Şəhid Zeydan bənə Əlaləmi mıxbir, Milodi 2011 minnə sori mıddətədə Deyrulzur, Həmah və Hələbi canqon xəbəon pevelo əki.Əv Suriyədə Bəşşar Əsədi devləti suğut bey bəpeşt, Tehronədə bo Əlaləmi televeziyaro bənə xəbə sərkotib de ki kardey məşğul be.
