Bə Boku Pezeşkiyani 1 rujə səfədə çiçon bıən?

İroni prezdent Məsud Pezeşkiyan bə Boku ıştə 1rujə səfədə de AZ, prezdent vindımon kardey bə Tehron oqardə.

İroni prezdent ın səfə cəryonədə de İlham Əliyev Az və ironi İxtisodiyə fəalon mıştərəkə iclosədə iştırok və sıxanış karde və de Bokuədə bıə İronıjon həm vindemonış karde.

Bə AZ İroni İslomiyə Respublikə prezdenti rəsmiyə səfə bəpe hamsuyəti və reqiyonal və diplomatiya ərsədə 14 minə devləti qıləy qəmonku ziniyəe, qıləy səfə ki, dəvardə soronədə dı qılə kişvəri rabitə bəji kardey roədə dəvom doə beydə.

In səfə cəryonədə İron və AZ prezdenton miyono mıştərəkə bəyoniyəsə əlovə 7 qılə həmkoəti mığovilə sənəd həm imzo be ki, ın 7qılə mıştərəkə həmkoəti bə siyosi, nəğliyot iyən fərhənqiyə mıbodiləon, səhiyyə, mediya, sərmoyə noə baxşonədə həmkoəti kardey be. Çimisə əlovə dı tərəfə mıştərəkə bəyoniyəşon həm imzo karde.

De İlham Əliyevi mıştərəkə xəbəriyə iclosədə Məsud Pezeşkiyan votışe: İron və AZ bəznen de iyandı koməki reqiyonədə sulh iyən əmniyəti bərğəror bıkən.

İyən Pezeşkiyan de AZ və ironi taciron miyono rabitəon bəznemon bənə dəvardə rujon inkişof bıdəmon. Bəpe dı qılə kişvəri milləti fərhənqi və elmi istihsoli və bədast vardə nəticəon bəiyandı ovıştınəmon ta bərorbərə fəzo icod bıbo.

İroni xarici siyosət de bə hamsuyəti diplomatiya diğğət doey nəinki, bə siyosi və ixtisodiyə həmkoətiyon zumand kardey dumoye bəlkəm reqiyoni milləti miyono insoni və mədəniyə umujənon nığıl kardey çəy hədəfe.

Bə Boku Pezeşkiyani rəsmiyə səfə İron və AZ rabitəon hevuj kardey roədə qıləy bino bıə noxtə bə hisob omeydə. In səfə ki, de 120 nəfər heyəti həmro əncom be, de hamsuyəon fəolə dilomsiya əməliyoti kardey, İroni ciddi bıey nışon doydə.

14 minə devlət de əməl kardey mevğe qəteyədə de AZ rabitəon çok kardeyo təsir bınə qəmış peqətə. In mevğe ki, mutəğabilə etımodi zumand kardey piyo diğğət doydə, sərhədi mıştərəkə preykton və fərhənqi mıbodiləon iyən turizmi kilidiyə baxşonədə mıhkəm və stabilə həmkoətiyə fəzo icod kardeyo şərayetış icod kardə.

İroni xarici siyosətədə reqiyonal həmkoətiku bə qıləy mıvəffəğə ulqu təbdil bıey roədə ğərorış doə.

In ulqu bə mutəğabilə ehtıromi əsos və mıştərəkə zərfiyəton ki, istifodə kardey və bə dı tərəfi roydəon diğğət doeyədə bino bəy bəzne dı qılə devləti miyono ğədimi dustiyəti mıhkəm bıkə və bo Tehron iyən Boku mısbətə omə rujon bə vucud biyə.

Siyosiyə mızokirəon və həmkoətion ziyod kardey nəticəon bo İron və Boku ixtisodiyə mıbodilə ziyod kardeyo şərayet icod bəkay. İron dəvardə soronədə və AZ və Ermənıstoni miyono Ğərəboği məntəğə piyo canqon ziyod be bəizəmon, Cənubi Ğəfğazi məntəğədə sulh və stabiləti icod kardeyo təsir bınə rolış ifo karde.

 Bo İron co qılə muhimmə mevzu, sərhədon stabiləti əhəmiyyəti və Ğəfğaz məntəğə marzonədə bə əmniyəti hifz kardey əsos karidoron şikil qətey de hamsuyəon həmkoəti hevuj kardey və əlbətə xarici nıfuzi kam kardey hədəfiye.

Bə Boku Pezeşkiyani səfə İron və AZ miyono ixtisodiyə rabitəon inkişofi şərayeti rohət bəkay.

2024 minə sori İron və AZ miyono ticorət bə 580 milyon dollar rəsi ki, nisbət bə dəvardə sori 20 fayiz inkişofış kardə. Bın holədə Boku və Tehron pidəşone ta hasornə dı tərəfi ticorəti ta bə omə 5 sor bə 10 milyard dollar ziyod bıkən.

İxtisodi, mədəni, texnikiyə baxşonədə həmkoəti kardey bə məntəğə kişvəron mısbətə təsirış bəbe. İron və AZ ixtisodi mıxtəlif baxşonədə mencumlə enerji bo həmkoətiyon ziyod kardeyo çokə zərfiyətonış heste. Dı qılə kişvəri miyono fərhənqiyə rabitəon torixiyə şərayet mıxtəlif mevzuonədə həmkoətiyon inkişof doə təsir bınə amil bəben.