Həyfaku tobə Asdod İroni rəketon otəşədə, israyili stratejikə səhv çiç be?

Pars Tudey- “X” sosyal şəbəkə istifodəçiyon bə işğal bıə ərazi İroni tərəfiku rəketinə hucumonışon de “Sadığə Vədə 3” əməliyyot nomi qıləy ğanuniyə cəvobışon zıne.

1404 minə sori xordadə manqi 23 minə ruji cımə ruji sıb bə Tehron və İroni kali şəhron seonist rejimi terroristiyə hucumi dəvomədə kali hərbiyə komandiron, alimon iyən beqınoə millət bə şəhodət rəsin. çın cinoyəti dəvomədə, İnğilobi Rəhbər İmom Xameneyi, bə İroni milləti xitob qıləy mesajədə hamyəşone: rejim bəpe qılə saxt iyən qonə cəzo intizori bıkəşo. De Xıdo umu İslomiyə Respublikə silohinə ğıvvon əy rohət nibahaşten. Həminə cəhətədə, cımə ruji İroni İslomiyə Respublikə bə israyili ələyh “Sadığə Vədə 3” əməliyyotışon bino karde ki, tosə ısət İroni çandə sa qılə rəket de mıvəffəğiyəti seonist rejimi mıdofiyə sistemiku dəvardə. De həminə rabitə, “X” sosyal şəbəkədə İronıjə istifodəçiyon bə ın rejimi ələyh İroni hucumonku himoyəşon karde. X sosyal şəbəkə istifodəçi “Siyavuş” nıvıştışe: “ əmə bə osmoni təcavuz kardeyku dənibəvardemon, Əmə ıştə alimon xuniku dənibəvardemon, əmə ıştə sərdaron şəhodətiku dənibəvardemon. Və ın yəni israyli əmnə şəvış nibəbe.”

X sosyal şəbəkə istifodəçiyonku de “Nəbat Fatimə” nıvıştışe: “Həyfaku ta bə Asdod, yəni ışğal bıə sərzəminon şimoliku tobə cənub İroni rəketon otəşi jiyo ğərorışon heste. Dışmen fik nıkə ki, jəşe və orəxə. əvon ın koşon bino karde və canqışon bə rodəğande. əmə çəvon ın cinoyətiku dənibəvardemon və dınyo bəiynde, İron bə dışmenə seonist çı zərbəon daxil bəkay.”

“Əlirıza Cavid Ərəbşahi” həm bə israyili hucumədə bə İroni rəketi zumandəti işorə kardey nıvıştışe: “ İroni rəketon xəyli sodə osonə qınbəziku dəvardin! Çandə milyard dollar xarc iyən yolə iddiyo, fəğət sabunə ka bıə ki ısət tıpəy!”

“Muhəmməd Huseyn Bəhmən Abadi” həm israyil rejimış hırdən əkışt xitobış karde və nıvıştışe: “ hırdən əkıştə seonistə pesoxtə rejim, çandə sorone ki, Fələstini əzizə milləti kəş işğal kardə və əyo sakin bıə, ısət çəy vaxt rəsəe ki, ta bə həmonə vırə oqardo ki, 70 sor çimi bənav şımə pıəon əyo omən. “Sadığə Vədə 3” ku, İroni İslomiyə respublikə qıləy hədəfonku bo beqınoə odəmon iyən alimon və komandiron bə şəhodət rosniye xoto israyiliku intığom səeye.”

Co qılə İronıjə xanım de “Zeynəb” nomi həm İroni millətış məğlub nıbə millətış vəsf kardə və votəşe: “ komco vindəyone ki, qıləy millət jığo zumand bıbo? Milləti ki, sıbə vaxti ıştə yolon əzodor bıə.... və şəvədə bə ıştə dışmeni hucum bardeyku şo bıə.”

“Məhdi” həm bə israyil İroni tərəfiku daxil bıə xəsorəti miğdorış vey zınişe  və təkidış karde ki, “ bə işğal bıə sərzəminon İroni rəket hucumon xoto  xərobə bıə miğdor əxtə ziyode ki, israyil boıştə hırdənon jimoniyo vırə nibəbe.

“Məhdi Cəmşid Zehi” həm bovəş heste ki, “ ın otəşvəs, ğeyrəti dıləku beşə və ın sili İroni milləti dastonku bə seonistə dışmeni sifəti bəqıni.”

“Vəhid Kərimi” həm de İroni mıdofiyə sistemi vositə israyili 2qılə F35 hərbiyə təyyorə miyono bardeyş jığo təbirış kardə: “ ın 2qılə hərbiyə təyyorə miyono bardey yəni: israylili aviya bəpeyə dərəcədə bıə mıdofiyə sistem ziyonış vində və İroni sistemon vədə Amerkə radariku vitə betəsir bıə.”

X sosyal şəbəkə co qılə istifodəçi de “Arman” nomi həm nıvıştışe: “İron de israyili mıdofiyə sitemiku dəvardeyədə, hərbiyə mərkəzonış hədəf ğərorış doə və bə Telavivi ələyh de qıləy dıroz iyən oəğandə canqi bərodəğandeyo hozzıe. Hənək tojə bino bıə və israyil canqi həğiğiyə təmi bəçaşte.”

Co tərəfo qıləy istifodəçi de “Rahi” nomi bə israyil hucumon cəvobədə İroni hərəkətış çok zıne və nıvıştışe: İroni qıləy şedevronku ın be ki, həmonə məntəğəonku ki, dışmeni otəşi jiyo bin, bə israyil tərəf rəket ğandə be.ımi kampiyuteriyə hənəkonədə həm nibəbe icro karde.”

Co qılə istifodəçi de “Banu” nomi təkidış kardə ki, İron həmləş nıkarde, bəlkəm cəvobış do. Və ın cəvob nə xışmiku bəlkəm ağlmandəti, hikmət və ğanuniyku beşi.

“Daniyal Dadqər” həm votışe: israyili səhv ın be ki, fikış karde İron bənə Misr iyən Suriyəye. Telaviv İroni rəket zumandəti nibəzne kam karde, İroni rəketon səhro dılədə hıtən, ın çəmə zumandəti vəzyəte və seoniston dastiku ğıləy koy benibəşe.”