X  kanaliku istifodəçiyon: Həmas Fələstinı milləti nımoyəndəy

Bə Pars Todey-  X kanali istifodəçiyon  fələstinı mığavimət Həmas hərəkoti fələstinı milləti nımoyəndəş zınə ki ıştə millətiku mudafiə kardedə.

Sionist rejimi hərbiyə təyyorəon 3 şanbə sentiyabri 9 nə ruji bə ğətərı həvoiyə marzon təcavuz kardən və çın məmləkəti poytaxt Dohə şəhri bombardımon kardedən.

Çı bombardımoni məkon  Elektra məntəğədə de Xəlil Əlhiyə rəisəti həması yolə heyəti iclos bərpo karde  vırə bə.həminə cəhətədə X şəbəkəku istifodəçiyon  seonist rejimi bə Ğətər hucum barde bəpeştə ki həması miyono barde xoto təşkil be, çın hərəkotiku himoyəşon kardə.

X şəbəkə istifodəçi Fatimə nıvıştəşe: Həmas fələstinı məmləkətiku mudafiə kardedə və çı məmləkəti milləti nımoyəndəy. əmmo fələstinı sərzəmini işğoləkə rejim 64 həzo nəfərisə veyə odəmış bə şəhodət rosniyə və terrorış kardə.

Əli Mərdani  X şəbəkə coqlə istifodəçi bə seoniston xitob nıvıştəşe: vaxti 80 sore ki ım sərzəminın işğal kardə,qenosid kardedən iyən cinoyət intizorın heste ki  həmas ki Ğəzzə millətikuye bə şımə vılə dastə təğdim bıkə. Həminə botilə xıyolədə bımandən.həni hiç kəs şımə riyokarəti ğəbul əkəni.

Mukərrəm həm votəşe ki komilə holətədə Ğəzzə işğal karde həması məğlub kardeyo qıləy qarant ni və ım hərəkot hələ hərbiyə hisob - kitobonsə bəpe əməl kardedə.

“Ətiyə Bəxtiyari” həm ım suali vədə ki Həmas boçi təslim bedə ni  votəşe çun  məsələ qıləy qrup ni məsələ  qıləy milləti işğal və təyziği jiyədə noeye.Həmas təslim əbı ni çun icozəədə ni Fələstinı millət miyono bışo.

Məcid həm bə Ğəzzədə həması miyono bardeyo bə seonist rejimi məğlub be bəştə hədəf rəseyo işorə kardedə və nıvıştedə:seonist rejim nə Ğəzzə işğal karde bəzne və nə həması miyono barde bəzıne.ım rejim qıləy mırdovədə eqıniyəy ki hətta karde zındə ni ıştə əsiron ozod bıkə.

Əbu Emad Əlhərasi həm nıvıştəşe: israil fələstinı milləti nobud karde məğsədi bəştə hərbiyə siyasəton dəvom dodə.beynəlxalğə iştimoiyyət xususi ərəbiyə rejimon bəpe təcili hərəkət bıkən və həmas hərəkotiku himoyə bıkən ki karde bıznon bə ım işğalqərə rejimi qenosidi oxo bıdən.

Maisə Rəfət həm nıvıştəşe ki ərəbon ğəzzəku bə mudafiə vəzifədo hestin  bəpe Ğəzzə və həmas hərəkotiku mıdofiə bıkən ki israil nomo bıə rejimi şərriku rohət bıbon.

Seyd Əli Əkbər Rəzəviyan Həmas hərəkati  israil və çəy şərik Amerkə şərrə hərəkəton iyən cinoyəton rısvoəkə zınıdə və votəşe:əviku bois bə dınyoədə bıə çəşon ğəzzədə Telaviv iyən Vaşinqtonı cinoyəton vədə oj bıbo və ım 2 qılə şərik dınyoədə rısvo bıbon Ğəzzə milləti kənoədə həması mığovimət bıə.