İraği oqoə nəsl, çıro cıvonon xarici təzyiğon vədə Mığovimətiku himoyə kardən

İroğədə mıdoxilə kardə siyosəton və behron ofəyeyo Amerkə hərəkəton vucudi, millət və məxsusən ın kişvəri cıvonə nəsl bə Mlğovimət və milliyə qruponku ıştə himoyə dəvom doydən

İraği parlamenti vıjnımon ki, ın kişvəri siyosi muhimmə hodisəonju ziniyə bedə, 2025 minə sori noyabri 11 minə ruji bərpo bəbe. In vıjnımonədə İraği parlamenti 329 qılə kursi tale təyin bəbe. İrağıjə cıvonon siyosi bənav omə mıodiləonədə təyin bıkə rolışon bəbe.

In nəsl ki, de fəsoti mıborizə bardey və ko iyən iştimayyəti xıdməton baxşədə bə devləti bəkarnome nisbət veyə etırozonışon ibroz kardə, omə vıjnımononədə təsir ğıvvə nomi zıniyə bedən.

Dəvardə soronədə Amerkə mıxtəlif təlimiyə mərkəzon bənə məktəbon, universitet, ğeyri devlətiyə təlimiyə təşkiloton mərkəzon təsis kardey, İraği cıvonə nəsli miyono ıştə namə nıfuzi inkişof doey dumo bıə.

İxtisodi səviyədə Vaşinqton de məhorət və təlimiyə şərayiti icod kardey, həyğətdə İrağədə ıştə məhsulon istifodə kardə vıjori hevuj kardeyo Amerkə şirkəton nıfuziyo şərayit hozzı kardə.

Siyosi səviyədə həm nığılə hədəfi dumoye. Siyosiyə elitaon və rəhbəronku tojə nəsli perosney və tərbiyə kardey ki, erjon və nəzəon və çəvon foydon de Amerkə ulquon 1roədə bıbo.

Reqiyonədə Amerkə behron ofəyə hərəkəton əksədə bo noəmnəti və bestabiləti icod kardeyo İrağədə Mığovimət qrupon rəhbəron oşkoə surətədə bo silohi bə kəno noə tələbi mıxolifətışon kardə və əvışon Amerkə və seonistiyə tələbon zınəşone.

Mığovimət qrupon rəhbəron ıştə silohon əmonət zıneydən ki, bo mığəddəsə vıron və kişvəriku mıdofiyə kardeyo qıləy zəmonədə ki, İraği hərbiyə ğıvvon İŞİDi vədə de nokoməti dimbədim bıəbı çəyku istifodəşon karde.

Əmmo de Amerkə rəsmi şəxson mıdoxilə kardə hərəkəton, millət məxsusən İraği cıvonə nəsl Mığovimət qruponku himoyəşon karde. milləti kənoədə İraği mıstəğilə siyosətçiyon həm İrağiku bə Amerkə hərbiçiyon xaric bıe təkidışon karde.

İraği cıvonə nəsl və məxsusən xarici mıdoxiləon və işğali təcrubəku bə peştə bə milli mıstəğilə rişə dumoye və Mığovimət qruponku himoyə kardey həm xarici nıfuzi mığobilədə mığovimət kardeyku qıləy simvol bə hisob omedə. İrağıjə cıvonoku xəyliyon Amerkə mıdoxiləon siyosiyə fəsoti və be stabeləti amil zınedən və Mığovimətiku himoyə kardey bə ın vəzyəti nisbət reaksiya vindən.

Co tərəfo bənə Həşduş-Şəbi qrupon nəinki hərbiyə ğıvvon bəlkəm iştimoyi və siyosiyə aktyoron həm hestin ki, fəğırə məntəğəonədə bə İraği millət xıdmətışon rosniyə.

In iştimoyiə huzur de milləti hissi omujəni icod bıe boyis bıə.

In qrupon vıjnımoni astanədə bə mıstəğiləti tələb karde və bə fəsoti zidd şuoron doey cıvonon cəzb kardən.

İraği tojə nəsl de Beynəl-Xəlğə tazyiğon vucudədə bə mıstəğiləti, ədolət və bə İslomi və milli erjon əsos bə kişvəri sənibəton oney dumon. Mığovimət qruponku İraği cıvonə nəsli himoyə qıləy nığılə iştimoiyə hodisə nışon doydə ki, Amerkəvıjə daxili siyosətçiyon və ğərbiyon həm nibəznen bəy əhəmiyyət nıdoe.