İronədə Abani Foto Hisobot:Xrizantema Festivaliku tobə Milli Dasti Koon Nımoyişqo

Pars Tudey-9-ə Xrizantema Festival(18 Mehr 1404) torıxədə oj bəbe və çe Tehroni şimol-ğərbədə bıə İroni Milli Botanika Boğədə tosə (30 Azər 1404) dəvordıney bəbe.

Tehronədə dəvordınə bıə Xrizantema Festivaliku tosə Kişədə bərpo bıə İroni Reqiyonal Jenon Musiği Festivali,Şimoli Xorasan məzəonədə zəfəroni qırdə kardeyku tobə 1404-ə sori abanə mo Kermanşahədə bərpo bıə 19-ə İroni Milli Dasti Koon Nımoyişqo çe İroni mıxtəlifə şəhronədə de nevbənevə tədbiron və dəvominə təsviron muşoyiət bıə.In reportaj,iftixor,səy və reçinətiyon qıləy şikili çərçivədə əks bıə anonədə bə İrana İroni qıləy təmşoye.

9-ə Xrizantema Festival(18 Mehr 1404) torıxədə oj be və tosə(30 Azər 1404) çe Tehroni şimol-ğərbədə bıə İroni Milli Botanika Boğədə dəvordıney bəbe.

Pencminə Kişi Musiği Festivali i hissə bıə İroni Reqiyonal Jenon Musiği Festival,cımə şəvi(22 aban1404-ə sori) çe İroni cənubədə bıə Kişi şəhrədə de mıxtəlifə bədiyi qrupon icro bərpo be.

İroni şimol-şərğədə,Şimoli Xorasan əyoləti Fəruc şəhristpnədə de zəfəroni çıniye mevsumi bino bey çandə sa qılə di təsərrufoti sahəonədə çe qrupon holəda ko kardedən.Bın məzəonku ha sor təxminən 13 ton zəfəron qırdə kardey beydə.

"Ər-Riyad 2025" İslomi Hənəkon merdon iyən jenon miyono fərdi stolipeyo tennisi mısobiğəon cımə şəvi (12 aban 1404) çın hənəkon haftminə ruji  bərpo be.İroni jenonku iborət stolipeyo tennisi komanda kapitan "Şahsəvari" finalədə Suriyaku bıə "Hind Zaza"məğlub kardə holədə telı medalış kəsb kardə  və İslomi Hənəkonədə həmməysə veyə mukofot bədast vardə İroni idmonçiyon bıən.

Paniz Faryusefi rəhbərəti kardə Tehroni Simfonik Orkestr seşənbə ruji şvi zəmonədə(21 aban 1404-ə sori)çe Tehroni Vəhdət Zalədə de "Simurği diyor" nomo tamoşə icro kardəşone.

İroni Jenon Kanoe Polo Liqas dışambə ruji maştəvoni (19 aban 1404-ə sori) çe Tehroni Ozodi Kompleksi Qolədə dəvordıney be.

İroni ğərbədə bərpo bıə 15-ə çe Kermanşah əyoləti dasti koon nımoyişqo və 19-ə İran Milli Dasti Koon Nımoyişqo çe Kermanşah Beynəlxalğə Nımoyişqo Mərkəzədə kişfəri har vırəku bıə de 116 qılə rəssom və 60 qılə jenə rəssom iştiroki oj bıə.

Pozi miyonə nez beyədə,İroni şimolədə Qiloni vişə əraziyon bə vizual reçinətiyon zirvə rəseydə.