Pars Tudey -Cımə ruji Kişi cəzirədə İroni har vırəku de idmonçiyon və vitəkəson iştiroki 5000 nəfərinə Kişi Marafon bərpo bıə.Pars Tudey jinə məğolədə çın keşiku bəzi şikilon nışon doey bıə
Marafoni mısobiğə de ironıjə merd və jenon iştiroki 15 və 42 kilometrinə bə dıqlə marşruti əsos və co-co jen və merdonku iborət dıqlə dıjdə qrupi şikilədə dəvordınə bıə.
Çın keşi oxoyədə və de hakimon və icroçi heyəti oxonə ğıymət doey Kişi Marafonه həmməysə çok bə finişi rəsə kəson təğdim kardey be.
Bın tədbirədə iştirok kardə varzışkoron de Kişi əhali və çı ziyodə turiston tərəfiku de qıləy barzə əhvol-ruhiyyə ğəbul kardey bin.
Kişi Marafonədə bə har cur ğabiliyyəti malik insonon iştirok kardedəbin
Im idmon tədbir bo vitey həvəskoronro mıntəzəm,hevuj və ayləvi şikilədə solim,əmniyyətin və de iştimoyi məkoni icod kardey məğsədi bərpo be.
