X istifodəçiyon|Somaliland;Pesoxtə bıə rejimi pesoxtə kişfəri icod kardey cəhd

Pars Tudey-israyili "Somaliland"-i zıney qəm bə X istifodəçiyon tənğıdinə reaksiyaon səbəb bıə.

israyili sərvəziri Ofisi cımə ruji sərvəzir Benyamin Netanyahu "Somaliland Respublikəş"bənə qıləy mıstəğil və suverenə kişfəri zıneyış bəyon kardə.Somaliland çe Somaliku co bıə qıləy məntəğəy və çəy lideron beynəlxalğə səviyyədə bə rəsmiyyət zıneyro bo dınyo kişfəron təsdıği bədast vardeyro umu kardedən.Votey beydə ki,israyili rejim məcburi miqrasiya plani bə həyot dəvordıneyro de AİŞ-on dastəqi Ğəzzə tanqədə jiyə Fələstini vətəndoon bə Afrika ın məntəğə vığandey niyyətədəy.Pars Tudey bın məğolədə X sosyal şəbəkə istifodəçiyon de Netanyahu ın qəm və deçəy oxonə nəticəon anqıl fikon qıləy nəzə səğandedə.

Qeosiyosi analitik Adam ıştə Twitter səyfədə nıvıştəşe:“Tramp çandə manqon somalivıjonış məhf və Somaliş bombardımonış karde.ısət israyil Somaliland-i rəsmi surətədə zıney elon kardedə.Im,qıləy təsaduf ni.Im,har dəfə bə əməl omeydə.”

Coqlə X-net istifodəçi,“Tunisıjə Kinə ” votəşe:“Əvon Somalilandiku bo fələstinıjon etnik pok kardey və çəvon həmmə əyo kuç doeyro bənə qıləy sərzəmini unvoni istifodə kardero səy kardedə”.Bın barədə cımə ruji Haaretz qəzeti məlumotış pevolo kardə.

Coqlə X-net istifodəçi,rejissor və medya fəol “Sabi Sabesi”nıvıştəşe:“ israyil fələstinıjon bə Somalilanddi deportasiya bəkarde.Tramp ımi zıneydə.Cared Kuşner ımi zıneydə.Peşo Tramp,Netanyahu və Kuşner Ğəzzə işğal bəkarde və boştə sərvətin iyən nifrətamizə duston kurorton bəsoxteyn.

“Saldata” nomo afrikavıjə istifodəçi bə seonist rejimi ın hərəkəti ələyh beşə holədə nıvıştəşe:Əmə bə seoniston və separatçiyon ələyhimon.Somali iqləyniye və hiç kəs ım kişfəri poə kardey cəsorəti nibəkarde.

“Hıtovnə bıə xəbon” hisobi nıvıştəşe:AİŞ prezdent Tramp çandə haftə bə Somali ələyh təbliğotış zumand kardə və medyadə əvoni məhf kardedə.israyil ımruj Somalilandı rəsmi surətədə zıneydə.Im təsadufi ni,əvon bo israyili mənafeyon bənav bardero fəoliyyət nışon doydən.

“sehyonizmi mışohidəçi”nomo istifodəçi hisobədə həmçinin votey beydə:israyilıjə jurnaliston oşkoə şikilədə çe israyili bo Ğəzzə etnik təmiz kardero Somalilanddiku istifodə kardey piye votedən.