Trampi siyosəton və çe Avropə de Amerkə miyono ixtilofon

Avropə Komissiyə rəyis Ursula Van der Laan çe Avropə de Amerkə miyono bıə Transatlantik ittifoğədə bıə ixtilofon təhlukə barədə bə Vaşinqtoni çəşnavi doəşe.

Bə Pars Tudey doə məlumoti əsos,çe Avropə Komissiyə rəyis Ursula Van der Laan yanvarə manqi 17-ə şambə ruji çe Avropə de Amerkə miyono bıə Transatlantik İttifoğədə bıə ixtilofon təhlukə barədə bə Vaşinqtoni xəbərdorəti doəşe iyən de bə Amerkə bo Qrinlandiyə bə dast vardero bıə səyon işorə kardə holədə votəşe ki, Avropə İttifoğ ıştə suverenətiku mıdofiyə bəkarde.In sıxanon qıləy holədə bəyon beydə ki,Amerkə prezdent donald trampi elonış kardə ki,çe fevralə manqi 1-ku bə Qrinlandiyə de İbıə Ştaton ilhoği mıxolif bıə kişfəron ələyh 10 fayizinə taarifi tətbiğ bəkarde və ın tərifəon çe iyunə manqi sıftənə rujiku bə 25 fayizi bərəse. Vaşinqtoni elonış kardə çanədə ki,Amerkə Qrinlandiyəş hıriyəni,ın taarifon ıştə ğıvvədə bəmande.Danimarkə, Nerveç,İsveç,Finlandiyə,Hollandiyə,Almaniyə,Fransa iyən Britaniyə bə ın tərifəon şomil bıə kişfəronin.

In mevzu de Avropə İttifoği rəsmiyon mənfiyə reaksiyə dimbədim omə.min vumlə Avropə İttifoği xarici siyosəti məsul şəxs Kaya Kalasi çəşnavi doəşe ki,İbıə Ştaton bəsə Qrinlandiyəsə bəştə avropəvıjə mıttəfiğon ələyh bıə tərifəon bə Avropə iyən amerkə vey fəğırəti və mıştərəkə rifohi zəyifəti səbəb bəbe.

Kalasi həmçinin iddiyoş kardə ki,Çin iyən Rusiyə çe amerkə prezdent donald tarmpi çe Qrinlandiyə barədə bıə taarifi təhdidonku ziyodə mənfəət bardedən.

Fransa prezdent Emmanuel Makron həm bə trampi taarifi təhdidon reaksiyədə votəşe ki,çe amerkə bəsə Qrinlandiyəsə bəştə avropəvıjə mıttəfiğon ələyh bıə tərifəon ğəbul bıənin ni.

Avropə kişfəron bə trampi bo Qrinlandiyə bə dast vardero bıə səyon reaksiyədə təkidışon kardə ki,əvon bo ın cəzirə mıdofiyəro çe Danimarkə suverenətiku mıdofiyə bəkardeyn.Almaniyə həm bın cəhətədə bə Qrinlandiyə hərbi ğıvvonış vığandə.donald trampi çe Qrinlandiyə barədə bıə siyosəton iyən çəy bə Avropə kişfəron ələyh noə taarifi təzyiğon,bə Avropə de Amerkə miyono şiddətinə ixtilofon ciddiyə amilonku qıləyni təbdil bıə.macəro qıləy zəmon ovcış qəte ki,trampi elonış kardə ki,Avropə kişfəron de Qrinlandiyə bə Amerkə həvatey mıxolifət kardə zəmonədə,bə Avropə 8 qılə kişfəronku daxil bıə məhsulon ələyh sanqinə tərifəon tətəbiğ bəkarde.ın hərəkət çe Avropə kişfəron tərəfiku bənə”ğəbul bıənin nıbə”,”ixtisodi boc sey” iyən bənə”Bə Avropə suverenəti ələyh təhdidi”unvoni tevsif iyən xaraktrizə bıə,əmələn iyən praktiki surətədə çe Atlantik okeyani dıqlə tərəfi miyono bıə rabitənış bə stajış nıbə ziddiyyətinə mərhələ və etapiş daxil kardə.