Siyonist rejim ijən bə Fələstinıjon ğətliam karde etırofış kardə.

Siyonist rejimi polis ğıvvə elanış kardə ki 2015 nə sori Dekabriku yəni Ğudsədə tojə intifazə həmzəman bə ım rejim etıroz əkə Fələstinıjonku 201 nəfər umum cəmaəti çəşi vədə kıştəşe.

Bə Russiya Əlyom xəbəriyə kanali raporti əsos çı siyonist rejimi nəğıiku Fələstinıjon şəhodəttələbanə əməliyaton icra əkəyon həm be ım ki mıhokimə bıbun çı siyonist rejimi ərtış və polisi tərəfiku de sə rostə qollə kıştə bıən.

Siyonist rejimi Kenste çımiku bə nav qıləy ğanuni təsdiğ karde vasitə jıqo Fələstinıjon edam karde icozəon Yanvari 3 nə rujiku ealn kardə be.

Im qıle holədəy ki Həmas təşkilati siyasiyə moavin Saleh Əlarori jıqonə ğanuni təsdiğ be xətəri de Ğudsi barədə çı Donald Trampi tojə ğəroli bərobər hisobış kardə.

Trampi ğəroli barədə tojədən xəbə omə ki Ərəbiston və Misr jıqo təklif kardən ki Ğudsi əvəzi Ramullah çı yardaniya ru ğərbiyə sahilədə bənə Fələstini paytəxt ğeyd bıbu.

Ərəbiston və Misr çımiku bə nav qıləy xiyonət əkə ğəroli çərçivədə bo işğal bıə Ğudsi barədə Ərəb Liqa tərəfo təklif bıə fovğoladdə iclosi dəvoniyə ləğv kardən.

Tramp qıləy i tərəfiyə ğəroli çərçivədə ijən de beynəl xalğ təşkilaton və umum iştimaiyəti vindemoni əks Telavivi əvəzi Ğudsi bənə siyonist rejimi paytəxt elanış kardə.