Yəmənı məmləkətdə Səudiyyə ərəbıstonı çandə 10 qılə muzdorı həlokət.
Yəmənı silahlinə ğıvvon iyən çı məmləkəti milləti tərəfo təşkil bə komitəon uzvon yəmənı şimal və mərkəzədə bə Səudiyyə ərəbıstonı muzdoron mərkəzon hucum bardeədə 36 nəfər bəvonku bə həlokət rosnedən.
Bə yəmənı Əlməsirə xəbəriyə mərkəzi elanon əsosi yəmənı hərbiyə mənbəon zinə şanqo elanışon karde yəmənı silahlinə ğıvvon iyən mubarizə əkon əməliyatdə bə Səudiyyə ərəbıstonı muzdoron zid ki yəmənı şimal Əlcof ostanədə təşkil bedə 20 qılə muzdor kıştə və xəylion həm yarəjə bedən.
eyne holədə yəmənı silahlinə ğıvvon snaperon yəmənı mərkəz Mareb ostanədə Səudiyyə Ərəbıstonı muzdoronku 16 nəfəri bə həlokət rosnedən.
Ərəbıston de Amerkə tərəfdarəti 2015 minnə sori martə manqiku bə Yəmən hucumış bardə və ım məmləkətış deyo zəmin iyən həvoku muhasirəş kardə.
bə yəmənı zid Səudiyyə ərəbıstonı təşkil bə canqədə desbə ısət çandə 10 həzo nəfər kıştə və yarəjə bən və çandə milyon yəmənıj həm avərə bən.
