Suriyə zəminədə çı Tırkiyə hərbiyə əməliyaton dəvomış bəbe.
Tırkiyə prezident elanış kardə: detosə bə Amerkə vabəstə bıə terroriston kamilən məhv karde Suriyə şimalədə Əfrin nomo bıə şəhrədə Tırkiyə hərbiyə əməliyaton dəvom peydo bəkay.
Bə İrib raporti əsos Tırkiyə prezident Rəcəb Təyeb Ərdoğan təkidış kardə: Əfriniku bə Amerkə vabəstə bıə terroriston məhv karde ijən bo Suriyə avarəon bəştə kə oqardoniyero zəminə hozzo karde, Suriyə şimalədə bıə Tırkiyə hərbiyə əməliyaton məğsəde.
Tırkiyə prezident co kişvəronku Suriyə şimalədə hərbiyə əməliyatonədə iştirok kardero dəvətış kardə ta Suriyə şimalədə terroriston məhv bıbun ijən votışe: Əfrinədə hərbiyə əməliyaton çı deşmənon çand sornə kəşə planon məğlubış kardə.
Qıləy holədə ki şəmbə rujiku Tırkiyə hərbiyə əməliyaton çandə Suriyə Əfərinədə ğeyri hərbion kışte və zəxmin bey bois bıə əmmo Suriyə dıvlət ım əməliyati məhkum ijən çı Tırkiyə ım siyasəti bə Suriyə ərazi təmamiyyət təcavoz karde məno zınəş be.
