Bəhreynıjon ixroc karde ğeyri insoniyə hərəkəte.
Bəhreyni Əlvifağ Milli Hərəkəti islamiyə qrup çı Ali-Xəlifə rejimi hərəkəton ım kişvəri şəhrvandon ixroc kardero ğeyri insoni hisobış kardə.
Bə Rəsa aqentiyəti raporti əsos ım qrup ıştə bəyoniyədə Ali Xəlifə rejimi tərəfiku cəmaəti şəhrvandəti həxi ləğv karde ziyodəti məhkumış kardə və əvoş ğeyri insoni, Ğeyri ğanuni iyən insonə həxon ləğv karde sahədə de sistem və zulm bə i vırə siyasət və cinoyət zınəş be.
Bəhreyni Əlvefağ milli hərəkəti islamiyə qrup çı Ali Xəlifə ım siyasəti bənə milləti həxon poymol karde zınəş be ijən əlovəş kardə: ım haftə çandə ixrocon bəpeştə omə haftədə həm vey mısılmonə cəmaəti və əktiv fəalə şəxson şəhrvandəti həx ğəror Bəhreyni hukuməti tərəfiku ləğv bıbu.
Im təşkilat hukuməti tojə siyasətonış çı Bəhreyn milləti inğilabi məhv karde cəhətdə zınəş be və beynəl xalğ iştimaiyətiku tələbış kardə ki ım siyasət və cəmaəti həx-huğuğon ləğv bey barde sukutışon nıbu.
Ali Xəlifə rejimi məhkəmə dəvardə rujonədə çı Bəhreyni aliyə ruhani və şiəyon lider Şeyx İsa Ğasımi şəhrvandəti həxi ləğvış kardə.
Həmzəman 10 nəfəri şəhrvandəti həx əcumlə i qılə jeni şəhrvandəti həm ləğv bıə və ço nəfər həm ım kişvəriku ixroc bıən.
