Suriyə tojə hərbiyə ğıvvon bə Əfrin varid bıən.

Rusiyə və Suriyə mənbəonon Əfərinədə çı Suriyə tojə dovtələbə ğıvvon və hərbion huzuriku xəbəşon do, ım ğıvvon ğərore Tırkiyə Zeytoni xolə nomo bıə hərbiyə əməliyati idomə mane bıbun.

Bə Sana raporti əsos ım qrup hərbion Əlzərarə sərhəddiyə məntəğəku Nobol şəhriku bə Əfrin varid bıən.

Çımiku bə nav çı Suriyə hərbionku i minə qrup seşambə bə Əfrin varid bıə bən ta əməliyaton bino kardero Tırkiyə hərbion huccumi mane bıbun.

Əfrinədə Suriyə hərbion huzuri Suriyə dıvlətiku vey muhimmə peyğomi vığandə ki Ankara bəbe rə Suriyə zəminiku xaric bıbu ijən Suriyə Kırdon xatircəm bıbun ki fəğət bə Suriyə dıvlət və hərbion xatircəm mande imkonış heste.

Xəbəon jıqo hikoyət kardə ki Tırkiyə hərbion hələ məntəğəku xaric bey məğsədışon ni ijən Kırdon peştədə mande xoto Əfrinədə çı Suriyə hərbion huzuriku norohətin.

Suriyədə terroriston miyono ixtilafon həm vey ziyod bıə ijən Edləbədə çandə xuninə daveon bino bıə.