Burucerdi: bo Suriyə çand poə kardero Amerkə plan yəğin məğlub bəbe.
İroni islamiyə şura məclesi xarıci siyasət və milli əmniyyət kamissiya rəis votışe: İraği çand tikə karde plani məğlubiyəti bəpeştə ısət Amerkə Suriyədə həmonə senariyaon de terroriston silohin karde iyən əvoni təlim doe vasitə icra karde holədəy.
Əlaeddin Burucerdi əlovəş kardə: Suriyədə Amerkə DAEŞ-i həyoti dəvom doe fikədəy ta terroriston bə islamiyə kişvəron sadir karde vasitə islam dınyoədə bohrani dəvom bedə ki yəğin ım plan həm məğlub bəbe.
Əlaeddin Berucerdi ijən votışe: qılə holədə ki bo DAEŞ terroristiyə qrupi kamilən mhv kardero Amerkə vey soronədə mubarizəon dəvom peydo kardeku sıxən votışe be əmmo İraği ğeyrətin və zumandə cıvonon çı Ayətullah Sistani fətvo sayədə çı İraği milləti əzəmətiku nımunəon bə dınyo nışonəşon do.
İroni islamiyə şura məclesi xarıci siyasət və milli əmniyyət kamissiya rəis təsdiğış kardə: məsomə imomon pokə mərğədon huzuri sayədə İrağədə Amerkə hakımiyət icod bıbu.
Berucerdi İrağədə cinoyəton cərəyonədə bə Ərəbistoni rol həm işorəş kardə iyən votışe: ısət Ərəbiston vey pulon xərc kardedə ta İrağədə vəziyəti əvəz bekə.
