İron İslam Respublika Yəmənədə hərbiyə təcavuzi oroxniyə tələb kardə.

Bə Yəmən Ərəbistoni pesoxtə bıə koalisiya hərbiyə təcavozi bino bey 4 minə sorqardışədə İroni xarıci vəzarətxanə qıləy bəyoniyədə ım təcavozi məhkum kardə iyən vey rə hərbi həmləon, cəmaəti ğətliam və mıhosirə vəziyəti oroxniyə tələb kardə.

Həminə bəyoniyədə ğeyd be: Bə Yəməni əleyh canq fəğət noəmni, be stabilə vəziyət, cəmaəti kıştə və ğətliam karde, umumi imkanaton velo karde, cəmaəti noxş bey iyən və bo qəte, terroristi və təkfiri cərəyanon hevujəti, kişvəri xərobə karde iyən bə bəşəriyəti əleyh dəheştinə vəziyəti idomə bois bıə və əmələn təəcavozkaron hədəf təmin bə ni.

Bəyoniyədə bo beynəl xalğ bohranon həl kardero bə i bıə milləton təşkilati nımoyəndəon tosiyə be ki sukut karde siyasiku dast peqəton iyən əlovə be: İron ım bohrani həl kardero ijən de Yəməni fəalə qrupon huzuri daveon oroxniyə xoto siyasi koməkonro hozzoe iyən mişovirə doe bəzne.

İroni xarıci vəzarətxanə təkidış kardə: Amerkə və bəzi Avropavıjə kişvəron bə təcavozkaron siloh həvotə əvəzi canqi vəy qəteyro canqi cinoyəton dəvomi vədə mane bıbun.

İroni xarıci vəzarətxanə ijən təkidış kardə: Yəməni bohran və problemi yeqanə həl əkəro siyasi votımononin və hərbi cəhətiku hiç faxt hiç kəs səbarzəti bəbe bə çəy xoto İron çı beynəl xalğ iştimaiyətiku tələb kardə ta de muxtəlifə əbzaron təcavozkaron məcbur kən ki Yəməni ğətliam və mıhosirəku dast bekəşon.