Bə Ərdoğani əleyh sionist rejimi iminə vəziri de Tvitteri vığandə mesaj.

Bə tırkiyə prezident cəvob doe xoto sionist rejimi i-nə vəzir ıştə Tvitter mesajədə ğeydış kardə: ərdoğan ıştə sıxənon cəvobi məsero adət kardə ni, vəhol ım ki əv bəbe bəştə sıxanon cəvobi məseyro adət bıkə.

Tırkiyə prezident Rəcəb Təyyib Ərdoğan ijən Ğəzzədə Fələstinijon ğətliam karde tojə hadisədə sionist rejimi cinoyətonış tənğid kardə.

Benyamin Netanyahu zinə şəv iddioş kardə: Tırkiyə prezident İraği Kırdıston və Kipri bəzi baxşonış işğol kardə ijən Suriyə Əfrinədə bə ğəyri hərbion kışte məşğule.

Çı sionist rejimi i-nə vəzir ım Tvitti bə nav Ərdoğan votəş be: Ğəzzə tanqədə sionist rejim canqi cinoyəti mırtəkib bıə iyən Benyamin Netanyahu qıləy terroriste.

Tırkiyə prezident təsdığış kardə: çı sionist rejim hərbiyon zılm və cinoyəti aşmarde lozim ni boçi ki həmmə kəson Ğuds və Ğəzzə tanqədə ım terrorçiyə rejimi cinoyətonku oğoin.

Martə manqi 3 yəni "sərzəmin ruj"-i mınosibətiro Fələstinıjon 15000 nəfəriyə etiraz Aksiya bərpo be əmmo siyonist rejimi bə be silohə cəmaət huccum karde xoto 15 nəfər çı Fələstinıjə nocıvonon şəhid iyən 1500 nəfər zəxmin bıən.